🌟एकात्मिक शेती पद्धती व सेंद्रिय शेती मध्ये उत्कृष्ट कार्य करणाऱ्या चार शेतकरी बांधवांना राष्ट्रीय स्तरावरील पुरस्कार......!.

🌟जनार्धन आवरगंड,ज्ञानोबा पारधे,प्रताप काळे,रत्नाकर ढगे यांना FSRDA उत्कृष्ट शेतकरी (बेस्ट फॉर्मर) पुरस्कार जाहीर🌟

परभणी :- परभणी येथील वसंतराव नाईक मराठवाडा कृषी विद्यापीठाचे कुलगुरू डॉ. इंद्र मणी आणि संचालक संशोधन डॉ. खिजर बेग यांच्या मार्गदर्शनाखाली वसंतराव नाईक मराठवाडा कृषी विद्यापीठ परभणी येथील एकात्मिक शेती पद्धती संशोधन केंद्र या कार्यालयास शेती पद्धती संशोधन मंडळ (FSRDA), मोदीपुरम,मीरत,उत्तर प्रदेश तर्फे उत्कृष्ट शेतकरी पुरस्कार (बेस्ट फार्मर् अवॉर्ड) 4 भाजीपाला उत्पादक ग्रुपचे शेतकरी जनार्धन. आवरगंड,ज्ञानोबा पारधे,प्रताप काळे,रत्नाकर ढगे यांना त उत्कृष्ट प्रबंध पुरस्कार (बेस्ट थेसिस अवॉर्ड) =1 राकेश राऊत तर FSRDA फेलो पुरस्कार (अवॉर्ड) =1 डॉ.डब्लू.एन.नारखेडे असे एकूण सहा पुरस्कार (अवॉर्ड) मिळाले आहेत एखाद्या संशोधन केंद्राला एकाच वेळी एवढ्या मोठ्या संख्येने अवॉर्ड मिळण्याची ही कदाचीत विद्यापीठातील पहिली वेळ असेल.

पुरस्कार विजेते शेतकरी यांनी हवामान बदल, बाजार भावातील चढ उतार, जमिनीचे खालावलेले आरोग्य या पार्श्वभूमीवर एकात्मिक शेती पद्धतीचा अवलंब करून एकीकडे शेती उत्पादन आणि उत्पन्न वाढविले तर दुसरीकडे रोजगार निर्मिती आणि जमिनीचे आरोग्य संवर्धन करण्यात मोठे कार्य केले आहे. याबरोबरच सेंद्रीय शेतीच्या माध्यमातून एकीकडे लागवडीवरील खर्च कमी करून विषमुक्त शेत उत्पादन घेतले आणि जमिनीचे आरोग्य  सुधारण्याचे कार्य केले त्यांना वसंतराव नाईक मराठवाडा कृषि विद्यापीठ परभणी येथील एकात्मिक शेती पद्धती संशोधन केंद्र,सेंद्रीय शेती संशोधन केंद्र या कार्यालयाचे नेहमीच मार्गदर्शन लाभले सदर शेतकरी बांधवांचे प्रस्ताव तयार करण्यात आणि पाठविण्यासाठी संचालक संशोधन डॉ.खिजर बेग आणि डॉ.आनंद गोरे मुख्य कृषिविद्यावेत्ता व प्रभारी अधिकारी,अखिल भारतीय समन्वयीत एकात्मिक शेती पद्धती संशोधन प्रकल्प, यांच्या मार्गदर्शनाखाली शरद चेनलवाड,डॉ.सुदाम शिराळे, श्री मिर्झा,श्री.दुतकर यांनी विशेष परिश्रम घेतले.

वरील पुरस्कार विजेत्या शेतकरी बांधव यांना सदरील पुरस्कार हे FSRDA शेती पद्धती संशोधन मंडळ (FSRDA), मोदीपुरम, मीरत, उत्तर प्रदेश तर्फे दि. 7 ते 9 मार्च, 2025 दरम्यान आयोजित एकात्मिक शेती पद्धती आंतरराष्ट्रीय परिषदे दरम्यान दिनांक 9 मार्च, 2025 रोजी भारतीय एकात्मिक शेती पद्धती संशोधन संस्था,मोदीपुरम, मीरत, उत्तर प्रदेश येथे मान्यवरांच्या हस्ते प्रदान करण्यात येणार आहेत....... 

डॉ. आनंद गोरे 

मुख्य कृषिविद्यावेत्ता व प्रभारी अधिकारी,अखिल भारतीय समन्वयीत एकात्मिक शेती पद्धती संशोधन प्रकल्प, वसंतराव नाईक मराठवाडा कृषि विभाग, परभणी.