🌟आयपीएल-2025 : रचणार नवा इतिहास : धोनीसाठी आयपीएलचा ‘हा’ हंगाम ठरणार खास.....!

🌟एक-दोन नव्हे तर 4 विक्रम निशाण्यावर🌟 

✍️ मोहन चौकेकर 

आयपीएल सुरू होण्यास मोजकेच दिवस शिल्लक राहिले आहेत. या लीग दरम्यान चाहते ज्या खेळाडूला पाहण्यास सर्वात जास्त उत्सुक आहेत तो म्हणजे महेंद्रसिंग धोनी. टीम इंडियाचा माजी कर्णधार धोनीने त्याच्या आंतरराष्ट्रीय कारकिर्दीला निरोप दिला आहे. आता तो फक्त आयपीएलमध्ये खेळताना दिसतो. धोनी हा या लीगमधील सर्वात यशस्वी कर्णधारांपैकी एक आहे. तो यंदाच्या हंगामात अनेक खास टप्पे गाठू शकतो.

🏏आयपीएलच्या इतिहासात अर्धशतक करणारा सर्वात वयस्कर खेळाडू :-

धोनी 43 वर्षांचा आहे. जर त्याने आयपीएल 2025 मध्ये अर्धशतक झळकावले तर तो 50+ धावा करणारा सर्वात वयस्कर खेळाडू बनू शकतो. सध्या हा विक्रम अॅडम गिलख्रिस्टच्या नावावर आहे. त्याने 2013 मध्ये 41 वर्षे 181 दिवसांच्या वयात नाबाद 85 धावा केल्या होत्या. धोनीने मार्च 2022 मध्ये कोलकाता नाईट रायडर्सविरुद्ध शेवटचे आयपीएल अर्धशतक झळकावले होते. जर त्याने यंदाच्या हंगामात ही कामगिरी केली तर तो गिलख्रिस्टचा विक्रम मोडेल.

💫चेन्नई सुपर किंग्जकडून सर्वाधिक धावा करणारा खेळाडू :-

आयपीएलमध्ये सीएसकेचा सर्वाधिक धावा करणारा फलंदाज म्हणून धोनी सुरेश रैनाला मागे टाकू शकतो. रैनाने सीएसकेकडून खेळताना 4,687 धावा केल्या आहेत. धोनी रैनापासून फक्त 19 धावा दूर आहे. त्याने सीएसकेकडून खेळताना 4,669 धावा केल्या आहेत.

💫आयपीएलमध्ये 200 झेल घेणारा पहिला यष्टिरक्षक :-

धोनी सध्या आयपीएलच्या इतिहासातील सर्वात यशस्वी यष्टीरक्षक राहिला आहे. त्याने आतापर्यंत 190 झेल घेतले आहेत. त्याला 200 धावांचा टप्पा गाठण्यासाठी फक्त 10 बळींची आवश्यकता आहे. जर त्याने असे केले तर तो यष्टीरक्षक म्हणून विकेटचे द्विशतक करणारा खेळाडू बनेल.

💫सीएसकेसाठी खेळले सर्वाधिक सामने :-

धोनीने आयपीएलमध्ये आतापर्यंत सीएसकेसाठी 244 सामने खेळले आहेत. या फ्रँचायझीकडून खेळताना 250 सामने पूर्ण करणारा पहिला खेळाडू तो या हंगामात बनेल. चेन्नई सुपर किंग्ज संघ किमान 14 सामने खेळेल, अशा परिस्थितीत धोनी 250 सामन्यांचा टप्पा आरामात पार करेल.....

 ✍️ मोहन चौकेकर