🌟नांदेड येथे शीख एज्युकेशन वेल्फेअर असोसिएशनच्या वतीने 'चार साहिबजादे' शीख युवा फेस्टिव्हलची जोरदार तयारी...!

🌟शीख एज्युकेशन वेल्फेअर असोसिएशनचे अध्यक्ष स.जर्नेलसिंघ गाडीवाले यांच्याकडून युवा फेस्टिव्हलचे आयोजन🌟

नांदेड : नांदेड येथे शीख एज्युकेशन वेल्फेअर असोसिएशनच्या वतीने प्रतिवर्षाप्रमाणे याहीवर्षी चार साहिबजादे सिख युवा फेस्टिव्हलचे आयोजन करण्यात आले असून शीख एज्युकेशन वेल्फेअर असोसिएशनचे संस्थापक अध्यक्ष जर्नेलसिंघ गाडीवाले यांच्याकडून हा कौतुकास्पद उपक्रम मागील जवळपास दहा वर्षांपासून सातत्याने राबविण्यात येत आहे नांदेड शहरातील खालसा हायस्कूलच्या मैदानावर दि.१९ व २० फेब्रुवारी २०२५ रोजी आयोजित या चार साहिबजादे शीख युवा फेस्टिव्हलची सध्या जोरदार तयारी सुरू आहे.

शीख एज्युकेशन वेल्फेअर असोसिएशन संस्थेचे संस्थापक अध्यक्ष सरदार जर्नेलसिंघ गाडीवाले मागील जवळपास दहा वर्षांपासून शीख युवा फेस्टिव्हलचे आयोजन सातत्याने करीत आहेत दरवर्षी आयोजित होणारा शीख युवा फेस्टिव्हल शीख धर्माचे दहावे गुरु दशमेशपिता साहीब श्री गुरु गोविंदसिंघ जी महाराज यांचे चार सुपुत्र 'चार साहिबजादे' साहिबजादा अजित सिंघ जी,साहिबजादा जुझारसिंघ जी,साहिबजादा जोरावर सिंघ जी,साहिबजादा फतेहसिंघ जी यांच्या हौतात्म्याच्या स्मरणार्थ आयोजित केला जातो ज्यांनी मानवतेसाठी आणि अन्यायाविरुद्ध लढताना आपलल्या प्राणांची आहुती दिली.

यावेळी चार साहिबजादे सिख युवा फेस्टिव्हलचे बुधवार दि.१९ ते २० फेब्रुवारी दरम्यान स्थानिक खालसा हायस्कूलच्या मैदानावर आयोजन करण्यात आले असून दि.१९ फेब्रुवारी रोजी सकाळी ११.३० वाजता मान्यवरांच्या हस्ते महोत्सवाचे उद्घाटन होणार असून पुरस्कार वितरण समारंभ २० फेब्रुवारी रोजी दुपारी ४.३० वाजता होणार आहे.शीख एज्युकेशन वेल्फेअर असोसिएशन आयोजित शीख शीख युवा फेस्टिव्हलमध्ये तरुण-तरुणींसाठी पगडी बांधणे, गुरबानीचे स्मरण करणे, हॉकी,व्हॉलीबॉल, बॅडमिंटन यासारख्या क्रिडा स्पर्धां आयोजित करण्यात आल्या आहेत. 

या महोत्सवात मोठ्या संख्येने सहभागी होण्याचे आवाहन शीख एज्युकेशन वेल्फेअर असोसिएशनचे संस्थापक अध्यक्ष तथा शीख युवा फेस्टिव्हलचे आयोजक स.जर्नेलसिंघ गाडीवाले यांनी तरुण-तरुणींना केले आहे या शीख युवा फेस्टिव्हलमध्ये सहभाग नोदवणाऱ्या विजेत्यांना दरवर्षी मान्यवरांच्या हस्ते बक्षिसे आणि प्रमाणपत्रे देऊन गौरविण्यात येते.....