🌟राज्याचे अन्न व नागरी पुरवठा मंत्री धनंजय मुंडे आणि आमदार सुरेश धस यांनी एकत्रितपणे काम करावे - चंद्रशेखर बावनकुळे

🌟भारतीय जनता पक्षाचे पाठबळ आ.सुरेश धस यांच्या पाठीशी - चंद्रशेखर बावनकुळे 

छत्रपती संभाजीनगर - बिड जिल्ह्यातल्या केज तालुक्यातील मस्साजोगचे सरपंच संतोष देशमुख यांच्या निर्घृण हत्याकांड प्रकरणात आमदार सुरेश धस आणि राज्याचे अन्न व नागरी पुरवठा मंत्री धनंजय मुंडे यांनी एकत्रित काम केले तर मयत सरपंच संतोष देशमुख यांच्या कुटुंबाला लवकर न्याय मिळेल अशी आपली व भारतीय जनता पक्षाची भूमीका असल्याचा दावा भाजपचे महाराष्ट्र प्रदेशाध्यक्ष चंद्रशेखर बावनकुळे यांनी आज शनिवार दि.१५ फेब्रुवारी २०२५ रोजी केला. या दाव्यामुळे पुन्हा एकदा राजकीय आरोप प्रत्यारोपांच्या फैरी झडण्याची शक्यता निर्माण झाली आहे.

राज्याचे अन्न व नागरी पुरवठा मंत्री धनंजय मुंडे हे मस्साजोगचे सरपंच संतोष देशमुख यांच्या हत्याकांडानंतर चांगलेच अडचणीत आले आहेत दररोज त्यांच्या राजीनाम्याची मागणी होत आहे बिड जिल्ह्यातल्या आष्टी विधानसभा मतदारसंघाचे भाजप आमदार सुरेश धस यांनी हे प्रकरण लावून धरले होते दरम्यान काल सुरेश धस आणि धनंजय मुंडे यांच्या गुप्त भेटी झाल्याचे उघडकीस आल्यानंतर धस यांच्यावर कडाडून टीका होत आहे.

याच दरम्यान काल भाजपा प्रदेशाध्यक्ष चंद्रशेखर बावनकुळे यांनी आ. धस आणि धनंजय मुंडे आणि माझी सुमारे चार तास चर्चा झाली. मुंडे आणि धस यांच्यामध्ये मतभेद आहेत मनभेद नसल्याचा दावा करुन सुरेश धसांचे गुपीत उघडकीस आणले होते. आज याविषयी बोलतांना बावनकुळे म्हणाले की, सुरेश धस यांना देवेंद्र फडणवीस यांनी पूर्ण पाठबळ दिले आहे. संतोष देशमुख हत्या प्रकरणात ज्या ज्या कारवाया झाल्या आहेत, ज्या चौकशीबाबत सुरेश धस यांनी मागणी केली आहे त्या सर्व फडणवीस यांनी पूर्ण केली आहे.

भारतीय जनता पार्टी म्हणून देखील पूर्ण पाठबळ सुरेश धस यांच्या पाठीमागे आहे. संतोष देशमुख हत्या प्रकरणातील आरोपींना शिक्षा देण्यासाठी सुरेश धस आणि धनंजय मुंडे यांनी एकत्रित काम केलं तर अधिक चांगला न्याय मिळू शकतो, ही आमची भूमिका असल्याचा मत भाजप प्रदेशाध्यक्ष चंद्रशेखर बावनकुळे यांनी व्यक्त केली. आ. सुरेश धस यांना शांत रहा, असे भाजपने कधीही सांगितले नाही. सुरेश धस आपली भूमिका योग्य पद्धतीने पार पडत आहे. सुरेश धस योग्य पद्धतीने प्रकरण हाताळत आहे. त्यांना कोणते आदेश देण्याचे कारण नाही. संतोष देशमुख हत्या प्रकरणातील आरोपींना फाशीचे शिक्षा येईपर्यंत सुरेश धस प्रयत्न करतील असं मला विश्वास आहे......