🌟पुर्णा शहरात सहा वर्षांपूर्वी अल्पवयीन मनोरुग्ण मुलीवर झालेल्या अत्याचारातील आरोपीला १४ वर्ष सश्रम कारावास....!

🌟परभणी जिल्हा व सत्र न्यायाधीशांचा महत्वपूर्ण निकाल🌟

(पुर्णेतील अल्पवयीन १४ वर्षीय अत्याचार पिडित मुलीच्या प्रकरणात यशस्वी तपास करणारे तत्कालीन पोलीस निरीक्षक श्री सुभाष राठोड)

पुर्णा :- पुर्णा शहरातील गवळी गल्ली परिसरात मागील जवळपास सहा वर्षांपूर्वी दि.०५ ऑगस्ट २०१९ रोजी पुर्णा पोलिस स्थानकात अल्पवयीन १४ वर्षीय मनोरुग्ण (मतिमंद) मुलीवर तिच्याच नातेसंबंधातील नराधमाने अत्याचार करीत तिच्याशी बळजबरीने  सातत्याने संभोग केल्याने तीला गर्भधारणा झाल्या संदर्भात फिर्याद दाखल झाली होती या घटनेत आज बुधवार दि.१२ फेब्रुवारी २०२५ रोजी जिल्हा व सत्र न्यायालय परभणी या ठिकाणी अल्पवयीन मुलीवर अत्याचार करणाऱ्या आरोपीला जिल्हा न्यायाधीश श्रीमती एस.एस.नायर यांनी १४ वर्ष सश्रम कारावासासह २५ हजार रूपये दंड आणि दंड न भरल्यास १ वर्ष साधा कारावासाची शिक्षा सुनावली या खटल्यात सरकार पक्षातर्फे मुख्य सरकारी अभियोक्ता ॲड. ज्ञानोबा दराडे यांच्या मार्गदर्शनाखाली ॲड.आनंद गिराम यांनी काम पाहिले.

या संदर्भात सविस्तर वृत्त असे की दिनांक ०५.०८.२०१९ रोजी अल्पवयीन पिडिता हिने पोलीस स्टेशन पुर्णा येथे येवुन जबाब दिला तिने सांगितले की ती मनोरुग्ण असुन तिची आई मरण पावली आहे. ती तिचे वडील व काका काकु व त्यांचे दोन मुल (१. मनोज (आरोपी) २.गणेश यांचे सोबत गवळी गल्ली पुर्णा या ठिकाणी राहते अल्पवयीन पिडिताचे वडील हे कामासाठी सकाळी १० ते रात्री १० वाजेपर्यंत कामाला बाहेर असतात पिडितेची शाळा सकाळी ७.३० ते १२.३० पर्यत असते. त्यानंतर अल्पवयीन पिडिता ही घरीच राहते तसेच पिडिताचे काका (आरोपीचे वडील) यांना तोंडाचा कर्करोग असल्या कारणाने ते एका खोलीत झोपुन असतात पिडितेची काकु (आरोपीची आई) ही त्यांचेसोबत त्याच रुम मध्ये राहते या सर्व एकातांचा फायदा घेवुन आरोपी मनोज रौत्रे हा पिडितेसोबत बळजबरीने संभोग करत असे त्यांचे हे बळजबरीने सबंध बरेच दिवस सुरु होते तीने भितीपोटी हा प्रकार कोणाला सांगितला नाही. पण पिडितेचे वडीलाने पिडितेचे पोट फुगल्याचे पाहिले त्यांनी विचारले असता तिने काही एक सांगितले नाही तेव्हा तिला दवाखान्यात नेले असता वैद्यकीय अधिकारी यांनी तपासणी केली असता ती ०७ महिन्याची गर्भवती असल्याचे सांगितले. त्यानंतर तिने एका बाळास जन्म दिला तिचे वडीलांनी तिला विचारपुस केली असता आरोपी मनोज हा नेहमी तिचेवर बळजबरी अत्याचार करत असे असे तिने वडीलांना सांगितले त्यावरुन त्यांनी पुर्णा येथे आरोपी मनोज लक्ष्मण रौजे यांचे विरुध्द गुन्हा दाखल केला सदर प्रकरणाचा तपास तत्कालीन पोलीस निरीक्षक सुभाष राठोड यांनी केला.

प्रस्तुत प्रकरणामध्ये सरकार पक्षातर्फे एकुण ११ साक्षीदार तपासले. सदर प्रकरणात पिडीतेस जे बाळ जन्माला आले त्या बाळाचा, पिडीतेचा व आरोपी मनोज यांचा डीएनए एकच असल्याबाबत वैद्यकीय अहवाल सिदध केला. तसेच पिडिता ही मनोरुग्ण असल्याबद्दल लेखी अहवाल सिध्द करण्यात आला मा.जिल्हा व सत्र न्यायाधीश -१ श्रीमती एस. एस. नायर मॅडम यांनी सर्व साक्ष पुराव्याचे अवलोकन करुन दि. १२.०२.२०२५ रोजी आरोपी मनोज लक्ष्मण रौजे वय १८ वर्षे रा. गवळी गल्ली पुर्णा ता. पुर्णा जि. परभणी यास मा. न्यायालयाने कलम ३७६ (२) (एल) भादवि अन्वये दोषी ठरवुन १४ वर्षे सश्रम कारावास व २५,००० रु दंड. दंड न भरल्यास ०१ वर्षे साधा कारावास अशी शिक्षा सुनावली सदर खटल्यात मुख्य सरकारी अभियोक्ता ॲड.श्री ज्ञानोबा दराडे यांचे मार्गदर्शनाखाली ॲड.आनंद गिराम यांनी सरकार पक्षातर्फे बाजू मांडली. तसेच मा.रविंद्रसिंग परदेशी पोलीस अधीक्षक परभणी व मा. श्री. यशवंत काळे साहेब, अपर पोलीस अधीक्षक परभणी यांचे मार्गदर्शनाखाली कोर्ट पैरवी अधिकारी पोउपनि सुरेश चव्हाण, पैरवी अंमलदार प्रमोद सुर्यवंशी, पोह राजीव दहीफळे, वंदना आदोडे यांनी काम पाहिले.......