🌟छत्तीसगड राज्यातील विजापूर जिल्ह्यात सुरक्षा दलांशी झालेल्या चकमकीत ८ नक्षलवादी ठार......!

 

🌟रायफल,बॅरल ग्रेनेड लॉन्चरसह मोठा शस्त्रसाठा करण्यात आला जप्त🌟

विजापूर : छत्तीसगडच्या विजापूर जिल्ह्यात सुरक्षा दलांशी झालेल्या चकमकीत शनिवारी आठ नक्षलवादी ठार झाल्याचे पोलिसांनी सांगितले. त्यांच्याकडून रायफल, बॅरल ग्रेनेड लॉन्चरसह मोठा शस्त्रसाठा जप्त करण्यात आला. या चकमकीत जिल्हा राखीव दलाचे दोन जवान जखमी झाले आहेत.

गंगलूर पोलीस ठाण्याच्या हद्दतील जंगलात सुरक्षा दलांच्या संयुक्त पथकाने नक्षलवाद्यांविरोधात मोहीम हाती घेतली होती, त्यादरम्यान ही चकमक थांबल्यानंतर उडाली. चकमक घटनास्थळावरून आठ नक्षलवाद्यांचे मृतदेह ताब्यात घेण्यात आले. आणखी काही नक्षलवादी ठार अथवा जखमी झाल्याची शक्यताही वर्तविण्यात येत आहे. छत्तीसगडमध्ये नव्या वर्षात झालेल्या चकमकीत आतापर्यंत ५० नक्षलवाद्यांचा खात्मा करण्यात आला आहे......