🌟वडिलांचे स्वप्न पूर्ण करण्यासाठी लेकिन फिलिपिन्स देश गाठला व गावातील पहिली एमबीबीएस डॉक्टर होण्याचा मान मिळवला....!

🌟वैष्णवीच्या यशामुळे हिंगोली पोलीस दलातील वरिष्ठ अधिकाऱ्यांसह पंचक्रोशीतील नागरिकांनी तिच्यावर कौतुकाचा वर्षाव 🌟

✍️- शिवशंकर निरगुडे (हिंगोली)

हिंगोली :- हिंगोली जिल्ह्याती औंढा तालुक्यातील गोजेगावातील  तरुणीने  वडिलांचे स्वप्न पूर्ण करण्यासाठी लेकिने फिलिपिन्स देश गाठत पाच वर्षाचं वैद्यकीय शिक्षण पूर्ण करत एमबीबीएस ची पदवी मिळवली आहे, डॉक्टर वैष्णवी विठ्ठल जायभाये असे या विद्यार्थिनीचे नाव असून , ही विद्यार्थिनी हिंगोलीच्या औंढा तालुक्यातील दुर्गम भाग असलेल्या गोजेगावची रहिवासी आहे विशेष म्हणजे गोजेगाव मधील पहिली एमबीबीएस डॉक्टर होण्याचा बहुमान देखील या विद्यार्थिनींने मिळवला आहे, वैष्णवीच्या या यशामुळे हिंगोली पोलीस दलातील वरिष्ठ अधिकाऱ्यांसह पंचक्रोशीतील नागरिकांनी तिच्यावर कौतुकाचा वर्षाव करत समाजातील विद्यार्थ्यांनी वैष्णवी जायभाय हिचा आदर्श घ्यावा असे आवाहन केले आहे.

हिंगोली जिल्ह्यातील औंढा तालुक्यातील गोजेगाव सारख्या दुर्गम, डोंगराळ भागातील वैष्णवी जायभाये हिने दुर्दम्य इच्छाशक्तीच्या बळावर यशस्वी गरुडझेप घेतली. २०१९ मध्ये केवळ दहा गुणांवरून एमबीबीएसला प्रवेश न झाल्यामुळे वडिलांच्या प्रेरणेने आणि स्वतःच्या दुर्दम्य इच्छाशक्तीच्या जोरावर परदेशात शिक्षण घेऊन आपली एमबीबीएसची डिग्री पूर्ण तरुणाईंसमोर आदर्श निर्माण केला. फिलिपिन्स देशात शिक्षण घेताना डॉ. वैष्णवीने कोरोना सारख्या खडतर काळात सतत दोन वर्षे आई-वडिलांची भेट झाली नाही तरीही आपले शिक्षण अखंड सुरू ठेवत यशाला गवसणी घातली. गोजेगावची भूमीकन्या डॉ. वैष्णवीचा समस्त गोजेगावकर मंडळींच्या वतीने नागरी सत्कार करण्यात आला. औंढा नागनाथ ची पोलिस ठाण्याचे वरिष्ठ पोलिस निरीक्षक गणपत राहिरे यांनीही आपल्या पोलिस कर्मचाऱ्यांसह गोजेगावात दाखल होत पेढे भरवून तिचा सत्कार केला. यावेळी वैद्यकीय शिक्षण पूर्ण करणाऱ्या वैष्णवी जायभाये या विद्यार्थिनीबद्दल गौरवोद्गार व्यक्त करताना पोलिस निरीक्षक राहिरे यांनी ग्रामीण भागातील विद्यार्थ्यांनी मोबाइल, सोशल मीडियाचा नाद सोडून यशाला गवसणी घालण्याचे आवाहन केले.याप्रसंगी डॉ. वैष्णवीचे पालक प्रा.डॉ. विठ्ठल जायभाये व विमल जायभाये यांचा देखील सन्मान करण्यात आला. याप्रसंगी पंडितराव सांगळे, औंढा नागनाथ पंचायत समितीचे माजी सभापती राजेंद्र सांगळे, सरपंच वर्षा अच्युत नागरे,पत्रकार संदीप नागरे  उत्तमराव नागरे, शेषराव सांगळे, ज्ञानदेव जायभाये, नामदेव जायभाये, पांडुरंग सांगळे, आकाश जायभाये, बाळू सांगळे, तुकाराम कागणे, बाळासाहेब जायभाये, पंढरीनाथ जायभाये, यांच्यासह गावातील मंडळी उपस्थित होते......