🌟नवी दिल्ली रेल्वे स्थानकावर झालेल्या चेंगराचेंगरीच्या घटनेसाठी रेल्वे प्रशासनाने नुकसानभरपाई केली जाहीर.....!

🌟चेंगराचेंगरीत मृत्युमुखी पडलेल्यांच्या कुटुंबियांना रेल्वेने १० लाख रुपयांची भरपाई जाहीर🌟

नवी दिल्ली रेल्वे स्थानकावर झालेल्या चेंगराचेंगरीच्या घटनेसाठी रेल्वेने भरपाई जाहीर केली आहे चेंगराचेंगरीत मृत्युमुखी पडलेल्यांच्या कुटुंबियांना रेल्वेने १० लाख रुपयांची भरपाई जाहीर केली आहे.  त्याचबरोबर गंभीर जखमींना अडीच लाख रुपये आणि किरकोळ जखमींना एक लाख रुपये आर्थिक मदत दिली जाईल.  नवी दिल्ली स्टेशनवर झालेल्या चेंगराचेंगरीत आतापर्यंत १८ जणांचा मृत्यू झाल्याची माहिती आहे.  अनेक प्रवासी जखमी झाले आहेत.

शनिवारी रात्री १०.०० वाजता नवी दिल्ली रेल्वे स्थानकावर चेंगराचेंगरी झाली.  महाकुंभाला जाणाऱ्या प्रवाशांची मोठी गर्दी स्टेशनवर जमली होती.  काही वेळातच स्टेशनवर चेंगराचेंगरी झाली.  एनडीआरएफचे कमांडंट दौलत राम चौधरी म्हणाले की, आता परिस्थिती नियंत्रणात आहे.  आम्हाला प्लॅटफॉर्म क्रमांक १४ वर चेंगराचेंगरी झाल्याची माहिती मिळाली.

 रेल्वे बोर्डाने रविवारी सांगितले की, दोन सदस्यांची उच्चस्तरीय समिती या प्रकरणाची चौकशी करेल.  समिती स्थापन करण्यात आली आहे.  रेल्वे बोर्डाचे कार्यकारी संचालक (माहिती आणि प्रसिद्धी) दिलीप कुमार म्हणाले की, परिस्थिती नियंत्रणात आहे.  प्रवाशांना विशेष ट्रेनने पाठवण्यात आले आहे.  रेल्वे स्थानकावरील रेल्वे वाहतूक सामान्य आहे......