🌟नांदेड जिल्ह्यातील मतदार जनतेचे आभार व्यक्त करण्यासाठी उपमुख्यमंत्री एकनाथ शिंदे उद्या नांदेडात.....!

🌟शहरातील नवा मोंढा मैदानावर त्यांच्या भव्य सभेचे आयोजन🌟

नांदेड :- नांदेड जिल्ह्यात मतदार जनतेने महायुतीसह शिवसेनेला विधानसभा निवडणुकीत घवघवीत यश मिळवून दिल्यानंतर उपमुख्यमंत्री एकनाथ शिंदे उद्या गुरुवार दि.०६ फेब्रुवारी २०२५ रोजी मतदार जनतेचे आभार व्यक्त करण्यासाठी नांदेडला येत असून शहरातील नवा मोंढा मैदानावर त्यांच्या भव्य सभेचे आयोजन करण्यात आले आहे. त्यांच्या समवेत शिवसेनेचे अन्य मंत्री उपस्थित राहणार असल्याची माहिती शिवसेनेचे नेते ना.हेमंत पाटील, आ.बालाजी कल्याणकर,आ.आनंदराव बोंढारकर यांनी दिली.

तत्कालिन मुख्यमंत्री तथा विद्यमान उपमुख्यमंत्री एकनाथ शिंदे यांनी राबवलेल्या अनेक नाविन्यपूर्ण योजनांमुळे नांदेड जिल्ह्यात शिवसेनेला तीन विधानसभेच्या जागा मिळाल्या आहेत. जनसमुदायाचे आभार व्यक्त करण्यासाठी ते नांदेडला येणार आहेत. गुरुवारी सकाळी ९ वाजता त्यांचे नांदेडला आगमन होणार आहे. त्यानंतर दुपारी १ वाजता नवा मोंढा मैदानावर त्यांची सभा होणार आहे. या सभेसाठी ५० हजारहून अधिक जनसमुदाय उपस्थित राहील अशी व्यवस्था करण्यात आली आहे. उपमुख्यमंत्री एकनाथ शिंदे या दौऱ्यात सर्वसामान्य कार्यकर्त्यांसोबत तीन तासांचा वेळ घालवणार आहेत. यावेळी त्यांच्या समवेत फोटो सेशनही करणार असल्याचे यावेळी सांगण्यात आले. या आभार सभेला उपस्थित राहण्याचे आवाहन जिल्हाप्रमुख उमेश मुंडे, गंगाधर भिलवंडे, विनय गिरडे, डॉ. अंकुश देवसरकर, बालाजी खतगावकर यांनी केले आहे.......