🌟पुर्णा रेल्वे डिझेल चोरी प्रकरणातील फरार आरोपी मोहम्मद इसलाउद्दीनला रेल्वे सुरक्षा बलाने घेतले ताब्यात....!

 

🌟आरोपी मोहम्मद इसलाउद्दीनला रेल्वे सुरक्षा बलाने हैदराबादेतील राजीव गांधी अतंरराष्ट्रीय विमानतळावर केलं अटक🌟

नांदेड (विशेष वृत्त) :- नांदेड दक्षिण मध्य रेल्वे विभागांतर्गत येणाऱ्या पुर्णा जंक्शन रेल्वे स्थानकावरील रेल्वे डिझेल घोटाळ्यातील (चोरी) प्रकरणातील एक महत्त्वाचा प्रमुख आरोपी असलेला कार्यालयीन अधिक्षक मोहम्मद इस्लाऊदद्दीन उर्फ मोबीन हा २९ जानेवारी २०२४ रोजी डिझेल चोरी प्रकरण उघडकीस आल्यापासून सातत्याने रेल्वे सुरक्षा बलासह तपास यंत्रणांच्या हातावर तुरी देऊन फरार होता या प्रकरणात अटकपूर्व जामिनासाठी त्याने औरंगाबाद जिल्हा न्यायालयात अटकपूर्व जामीन अर्ज फेटाळल्यानंतर पुन्हा त्याने उच्च न्यायालयाच्या औरंगाबाद खंडपीठात याचिका दाखल केली होती मागील एक वर्षांपासून 'तारीख पे तारीख' चा सिलसिला चालवून तो तपास यंत्रणांना हुलकावणी देत होता दि.२२ जानेवारी २०२५ रोजी उच्च न्यायालयाच्या औरंगाबाद खंडपीठाने त्याचा जामीन अर्ज फेटाळल्यानंतर तो तपास यंत्रणांसमोर हजर होईल व तपासात सहकार्य करेल अशी अपेक्षा व्यक्त केली जात होती परंतु यानंतर देखील आरोपी मोहम्मद इस्लाऊदद्दीन उर्फ मोबीन याने तपास यंत्रणांना पुन्हा हुलकावणी देत विदेश भ्रमण करीत सौदी अरेबियातील उमराहला गेल्याची गंभीर बाब समोर आली आहे सौदी अरेबियातील उमराह येथून परत हैदराबादला येत असल्याची गुप्त माहिती रेल्वे सुरक्षा बलाला मिळाल्यानंतर रेल्वे सुरक्षा बलाने हैदराबादेतील राजीव गांधी अतंरराष्ट्रीय विमानतळावरुन आरोपी मोहम्मद इस्लाऊदद्दीन उर्फ मोबीन याला ताब्यात घेऊन पुर्णा येथे आणल्याचे समजते.

पुर्णा जंक्शन रेल्वे स्थानकावरील रेल्वे डिझेल डेपोत मागील अनेक वर्षांपासून मोठ्या प्रमाणात डिझेल चोरी (डिझेल घोटाळा) होत असल्याची जोरदार चर्चा दस्तुरखुद्द रेल्वे अधिकारी/कर्मचाऱ्यांमध्ये होत होती सदरील रेल्वे डिझेल घोटाळ्यात अनेक अधिकारी/कर्मचाऱ्यांनी आपले हात ओले करुन घेतले होते त्यामुळे याकडे कोणीही लक्ष देण्यास तयार नव्हते परंतु दि.२९ जानेवारी २०२४ रोजी दुपारी १२.०० वाजेच्या सुमारास परभणी जिल्हा स्थानिक गुन्हा शाखेच्या पथकाने परभणी-गंगाखेड-ताडकळस राज्यमार्गावरील सिंगणापूर फाट्यालगत पुर्णा रेल्वे स्थानकावरील रेल्वे डिझेल डेपोला डिझेल पुरवठा करुन वापस जात असलेला डिझेल टॅंकर क्रमांक एम.एच.२१ बीएच ३९४४ हा टँकर ड्रायव्हर संदिप आनंदराव पांढरे राहणार माळसिरस जिल्हा सोलापूर याच्यासह रंगेहाथ ताब्यात घेऊन डिझेल अफरातफर घटनेला एकप्रकारे दुजोराच दिल्याचे उघड झाले.

पुर्णा रेल्वे डिझेल डेपोतील जवळपास सर्वच आरोपी सुरक्षा बलाने ताब्यात घेऊन त्यांच्यावर कारवाई केली परंतु या प्रकरणातील महत्वाचा धुरा समजल्या जाणारा कार्यालयीन अधिक्षक असलेला मोहम्मद इस्लाऊदद्दीन उर्फ मोबीन मात्र मागील एक वर्षांपासून तपास यंत्रणांना हुलकावणी देत होता अखेर सौदी अरेबियातील उमराह येथील दौरा करून भारतात परतीवर असलेल्या आरोपी पुर्व रेल्वे कंझ्युमर डेपो पुर्णा मुख्य कार्यालयीन अधिक्षक मोहम्मद इस्लाऊदद्दीन उर्फ मोबीन मोहंमद गौसोद्दिन याला रेल्वे सुरक्षा दलाच्या पथकाने मिळालेल्या गुप्त माहितीच्या आधारे काल सोमवार दि.१७ फेब्रुवारी २०२५ रोजी दुपारी १२.०० वाजेच्या सुमारास सौदी अरेबिया व दुबई मार्गे शमशाबाद,हैदराबाद या आंतरराष्ट्रीय विमानतळावर आल्या आल्या ताब्यात घेतले असून आरोपी मोहम्मद इस्लाऊदद्दीन उर्फ मोबीनला आज मंगळवार दि.१८ फेब्रुवारी रोजी पुर्णा येथील न्यायालया समोर रिमांड साठी हजर करनार आहे.

पुर्णा रेल्वे डिझेल घोटाळा प्रकरणातील आरोपी मोहम्मद इस्लाऊदद्दीन उर्फ मोबीन यास राजीव गांधी अतंरराष्ट्रीय विमानतळ शमशाबाद हैदराबाद येथून अटक करणाऱ्या पथकात रेल्वे सुरक्षा बल निरीक्षक श्री.नरसिंम्हा राव,निरीक्षक श्री.रामय्या,उपनिरीक्षक श्री. शेख जावेद,अमोल वावळे,जावळे, करेवाड व महिला शिपाई एकता तिवारी यांचा समावेश होता आरोपी मोहम्मद इस्लाऊदद्दीन उर्फ मोबीन याला रिमांडसाठी माननीय प्रथम वर्ग न्याय दंडाधिकारी, पूर्णा यांच्यासमोर हजर करण्यात येणार असल्याचे रेल्वे सुरक्षा बलाच्या सुत्रांकडून समजते....

Note : All rights reserved: As this special report is part of investigative journalism, please do not copy it without permission.)