🌟महाराष्ट्र राज्याचे उपमुख्यमंत्री तथा शिवसेनेचे राष्ट्रीय नेते एकनाथ शिंदे यांना जीवे मारण्याची धमकी....!

 

🌟मुंबई पोलिसांना मिळाला ई-मेल; मुंबई पोलीस प्रशासन सतर्क🌟

मुंबई :- महाराष्ट्र राज्याचे माजी मुख्यमंत्री तथा विद्यमान उपमुख्यमंत्री शिवसेना राष्ट्रीय नेते एकनाथ शिंदे यांना बॉम्बने उडवून देण्याची धमकी मुंबईतील गोरेगावसह इतर पोलीस आणि मंत्रालयात ई-मेल द्वारे देण्यात आल्याची गंभीर घटना घडली आहे पोलीस या प्रकरणी ई-मेल करणाऱ्या अज्ञात व्यक्तीचा शोध घेत आहेत. दरम्यान राज्याचे उपमुख्यमंत्री हे आज दिल्ली दौऱ्यावर आहेत.

राज्याचे उपमुख्यमंत्री तथा माजी मुख्यमंत्री एकनाथ शिंदे यांना त्यांच्या वाहनासह बॉम्बने उडवून देण्याची धमकी देणारा अज्ञात व्यक्तीचा ई-मेल गोरेगाव पोलीस स्टेशन,जेजे मार्ग पोलीस स्टेशन आणि मंत्रालयात आज सकाळी ई-मेल आले आहेत. हा ई-मेल कोणीतरी खोडसाळपणा केल्याची शक्यता वर्तवली जात आहे. हा ई-मेल कुठून आला, कोणी पाठवला याचा शोध पोलीस घेत आहे. दरम्यान आज दिल्लीच्या नवनिर्वाचित मुख्यमंत्री रेखा गुप्ता यांचा शपथविधी सोहळयाला उपस्थित राहण्यासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार हे दिल्लीत पोहोचले होते.....