🌟दिल्लीत १९८४ मध्ये झालेल्या मानवतेला काळीमा फासणाऱ्या शिख हत्याकांडातील एका हत्येच्या घटनेत सज्जनकुमार दोषी...!

🌟कॉंग्रेस नेता माजी खासदार सज्जनकुमारच्या शिक्षेवर १८ फेब्रुवारीला होणार सुनावणी🌟

नवी दिल्ली : दिल्लीत इंदिरा गांधी हत्याकांडानंतर 'खुन का बदला खुन' असा नारा देत दंगलसदृश परिस्थिती निर्माण करून जलियांवाला बाग हत्याकांडालाही लाजवेल अशा प्रकारे नियोजनबद्ध हजारों निर्दोष शिखांचे हत्याकांड घडविण्यात आले होते मानवतेला काळीमा फासणाऱ्या या १९८४ मध्ये झालेल्या शिख विरोधी दंगल अर्थात हत्याकांड प्रकरणात अगोदरच जन्मठेपेची शिक्षा भोगत असलेला काँग्रेस पक्षाचा माजी खासदार सज्जनकुमार याला दोषी ठरविण्यात आले आहे. दिल्लीच्या राऊज अवेन्यू कोर्टाने हा निकाल दिला असून सज्जनकुमार याच्या शिक्षेवर १८ फेब्रुवारी २०२५ रोजी सुनावणी होणार आहे.

दिल्लीतील सरस्वती विहार भागात १ नोव्हेंबर १९८४ ला पिता-पुत्राची हत्या करण्यात आली होती. या प्रकरणात सज्जनकुमार यास दोषी ठरविण्यात आले आहे.सज्जनकुमार तिहार कारागृहात असून तेथूनच तो व्हिडीओ कॉनफरन्सिंगद्वारे सुनावणीला हजर राहत होता या हत्याप्रकरणात पंजाबी बाग पोलिस स्थानकात गुन्हा दाखल करण्यात आला होता नंतर हा तपास विशेष तपास पथकाकडे सोपविण्यात आला होता गुन्ह्याच्या ३६ वर्षांनंतर म्हणजे २०२१ मध्ये सज्जनकुमार याच्या विरोधात आरोप निश्चित करण्यात आले होते. याचा निकाल आता म्हणजेच जवळपास ४० वर्षांनी लागला आहे.

देशाच्या माजी पंतप्रधान इंदिरा गांधीच्या हत्येचा बदला घेण्यासाठी दिल्लीत प्रचंड जाळपोळ,लुटमार,मारहाणीसह शिख समाजातील हजारो निरपराधांचे अमानुष हत्याकांड करण्यात आली होती यावेळी हत्या झालेले निर्दोष जसवंत आणि त्यांचा मुलगा घरातच होते राक्षसी प्रवृत्तीच्या जमावाने घरात घुसून त्यांची निर्घृण हत्या केली होती त्यांचे घर देखील जाळले होते या प्रकरणातील सुनावणीनंतर न्यायालयाने सज्जनकुमार हा या घटनेत सहभागीच नव्हता तर चक्क त्याने या राक्षसी प्रवृत्तीच्या जमावाचे नेतृत्व देखील केले होते, असे प्रथमदृष्ट्या मान्य करण्यासाठी पुरेसे पुरावे असल्याचे म्हटले आहे.

काँग्रेस पक्षाचा माजी खासदार सज्जनकुमार याचे वय आता ७९ वर्षे आहे. यामुळे न्यायालय त्याला कोणती शिक्षा देते, याकडे देशाचे लक्ष लागले आहे सज्जनकुमार हा तीनदा खासदार राहिलेला आहे शिख दंगलप्रकरणी २०१८ मध्ये त्याला दोषी ठरवत न्यायालयाने जन्मठेपेची शिक्षा सुनावली होती यानंतर त्याने काँग्रेस पक्षाचा राजीनामा दिला होता......