🌟छत्रपती शिवाजी महाराजांचा इतिहास स्फुर्तिदायक : शिवनेरी किल्ल्यावर आल्यानंतर एक नवीन उर्जा मिळते...!

🌟 छत्रपती शिवाजी महाराज यांचे जन्मस्थान असलेल्या शिवनेरी किल्ल्यावर मुख्यमंत्री देवेंद्र फडणवीस यांचे प्रतिपादन🌟

पुणे : महाराष्ट्राचे आराध्य दैवत हिंदवी स्वराज्याचे संस्थापक बहुजन प्रतिपालक छत्रपती शिवाजी महाराज यांच्या ३९५ व्या जयंती निमित्त आज बुधवार दि.१९ फेब्रुवारी रोजी शिवरायांचे जन्मस्थान असलेल्या शिवनेरी किल्ल्यावर आयोजित शिवजन्मोत्सव सोहळ्यात राज्याचे मुख्यमंत्री देवेंद्र फडणवीस प्रामुख्याने उपस्थिती होते यावेळी बोलतांना मुख्यमंत्री फडणवीस म्हणाले की छत्रपती शिवाजी महाराजांचा इतिहास स्फुर्तिदायक असून शिवनेरी किल्ल्यावर आल्यानंतर एक नवीन उर्जा मिळते अशी भावना त्यांनी यावेळी व्यक्त केली. 

छत्रपती शिवाजी महाराज यांच्या ३९५ जयंती निमित्त शिवाजी महाराजांचे जन्मस्थान असलेल्या शिवनेरी किल्ल्यावर आयोजित जन्मोत्सवात राज्याचे मुख्यमंत्री देवेंद्र फडणवीस, उपमुख्यमंत्री अजित पवार, एकनाथ शिंदे आदी उपस्थित होते. यावेळी शिवनेरी किल्ल्यावर छत्रपती शिवाजी महाराजांना मानवंदना वाहिली. त्याचबरोबर पाळणा म्हणून शिवजयंती उत्साहामध्ये साजरी केली. यावेळी तरुणांची मोठी गर्दी किल्ल्यावर दिसून येत आहे. शिवनेरी किल्ल्यावर फुलांची आरास आणि सजावट करण्यात आली आहे. त्याचप्रमाणे रांगळ्यांच्या पायघड्या घालण्यात आल्या आहेत. या सोहळ्यानंतर पत्रकारांशी बोलतांना मुख्यमंत्री देवेंद्र फडणवीस म्हणाले की, आजपासून पाच वर्षांनी छत्रपती शिवरायांचा ४०० वा जन्मोत्सव आपण साजरा करणार आहोत. शिवनेरीवर आल्यावर आपल्याला जी स्वराज्याची स्फूर्ती मिळते ते घेऊन महाराष्ट्राची सेवा करण्यासाठी आम्ही सर्व लोक येथे येत असतो छत्रपती शिवाजी महाराज केवळ एक योद्धा नव्हते तर एक चांगले प्रशासक देखील होते. राज्य सरकारच्यावतीने शिवाजी महाराजांच्या सर्व किल्ल्यांचा विकास करणार आहोत. या सर्व किल्ल्यांवर झालेले अतिक्रमण हटविण्यासाठी एक टास्क फोर्स स्थापन के ली आहे. छत्रपती शिवरायांचे किल्ले हे आमच्यासाठी कोणत्याही मंदिरापेक्षा मोठे आहेत. म्हणून या किल्ल्यांचं संवर्धन झालं पाहिजे, असेही मत मुख्यमंत्री फडणवीस यांनी यावेळी सांगितले. पुढे ते म्हणाले की, स्वराज्याची राजधानी रायगड येथे अनेक कामे आपण सुरू केले आहेत. आम्ही शासक नाही, छत्रपती शिवाजी महाराजांचे मावळे आहोत ! दाऱ्या घाटापासून शिवनेरी परिसराच्या विकासापर्यंत सर्व मुद्दे पूर्ण करण्यासाठी आम्ही कार्यरत राहू, असे देखील देवेंद्र फडणवीस यांनी सोशल मीडिया पोस्टवर केले आहे.....