🌟राज्याचे मुख्यमंत्री देवेंद्र फडणवीस यांनी बोलवलेल्या बैठकीला उपमुख्यमंत्री एकनाथ शिंदे गैरहजर....!

🌟याशिवाय उपमुख्यमंत्री शिंदे यांनी नगरविकास आणि पाणी पुरवठा मंत्रालयाच्या नियोजित बैठका देखील रद्द🌟

मुंबई (दि.०३ फेब्रुवारी २०२५) :-  राज्याचे मुख्यमंत्री देवेंद्र फडणवीस यांनी आज सोमवार दि.०३ फेब्रुवारी रोजी मंत्रालयात बोलावलेल्या महत्त्वाच्या बैठकीला राज्याचे उपमुख्यमंत्री एकनाथ शिंदे यांनी गैरहजेरी लावल्यामुळे महायुतीतील नाराजी नाट्यावरील चर्चेला आज पुन्हा एकदा उद्यान आले आहे याशिवाय उपमुख्यमंत्री एकनाथ शिंदे यांनी नगरविकास आणि पाणी पुरवठा मंत्रालयाच्या नियोजित बैठकाही देखील रद्द केल्यामुळे राजकीय वर्तुळात तर्कवितर्काना उधाण आले आहे.

सोशल वॉररुमची विशेष बैठक आज मंत्रालयात पार पडली. या बैठकीमध्ये राज्य आणि केंद्र सरकारच्या योजनांशी निगडित चर्चा झाली. मुख्यमंत्री देवेंद्र फडणवीस यांनी बोलावलेल्या या बैठकीला उपमुख्यमंत्री अजित पवार, अन्य मंत्री आणि अधिकारी उपस्थित होते. मात्र एकनाथ शिंदे यांनी निमंत्रण असूनही त्यांची अनुपस्थिती लक्षवेधी ठरली. शिंदेंच्या गैरहजेरीमागील नेमकं कारणही अद्याप गुलदस्त्यात आहे. दुसरीकडे, एकनाथ शिंदे यांनी नगरविकास आणि पाणी पुरवठा मंत्रालयाची आढावा बैठक बोलावली होती, मात्र तीही रद्द करण्यात आली. विशेष म्हणजे, गेल्या आठवड्यात राज्य मंत्रिमंडळाच्या बैठकीलाही एकनाथ शिंदे यांची प्रत्यक्ष अनुपस्थिती होती. त्यांनी व्हिडिओ कॉन्फरन्सिंगद्वारेच या बैठकीला हजेरी लावली होती. खातेवाटप, पालकमंत्रिपद आणि अधिकार यावरुन शिवसेना मंत्री नाराज असल्याच्या चर्चा आहेत. त्यातच एकनाथ शिंदे अजूनही नाराज असल्याची चर्चा वाढल्या आहेत. नाराज असताना शिंदे दरे गाव गाठत असल्याचं समीकरण आणि गेल्या काळातील शिंदेंचे वाढते गावचे दौरे यावरुन त्यांच्या नाराजीची चर्चा रंगत आहे......