🌟महाराष्ट्र राज्यात हत्तीरोग निर्मूलन मोहिमेचा शुभारंभ....!

🌟राज्यातील ५ जिल्ह्यांत उपक्रम : नागरिकांना महोमेत सहभागी होण्याचे आवाहन🌟

मुंबई : राष्ट्रीय जंतनाशक दिनाच्या निमित्ताने १० फेब्रुवारीपासून राज्यातील ५ जिल्ह्यांत हत्तीरोग दुरीकरण सार्वत्रिक औषधोपचार मोहीम राबविण्यात येणार असून राष्ट्रीयस्तरावर राबविण्यात येणाऱ्या मोहिमेचा शुभारंभ केंद्रीय आरोग्य व कुटुंब कल्याण मंत्री जे.पी.नड्डा यांच्या हस्ते दिल्लीत झाला. राज्य स्तरावर सार्वजनिक आरोग्य मंत्री प्रकाश आबिटकर यांच्या प्रमुख उपस्थितीत या मोहिमेला सुरुवात झाली आहे.

राज्यातील पाच जिल्ह्यांत राबविण्यात येणाऱ्या या मोहिमेत हत्तीरोगग्रस्त नागरिकांनी सहभागी व्हावे, असे आवाहन दूरदृश्यप्रणालीद्वारे झालेल्या बैठकीत आरोग्य मंत्री प्रकाश आबिटकर यांनी केले देशात २० राज्यांतील ३४८ जिल्ह्यांमध्ये हत्तीरोग (लिम्फ्याटिक फायलेरियासिस) या आजाराचे रुग्ण आढळून आले होते.

💫 राज्यातील ५ जिल्ह्यांमध्ये मोहीम :-

राष्ट्रीय जंतनाशक दिनाच्या निमित्ताने १० फेब्रुवारीपासून १३ राज्यांतील १११ जिल्ह्यांमध्ये हत्तीरोग दुरीकरण सार्वत्रिक औषधोपचार मोहीम राबविण्यात येणार आहे. राज्यातील पालघर, नांदेड, गडचिरोली, भंडारा व चंद्रपूर या ५ जिल्ह्यांतील ३४ तालुक्यांमध्ये ही मोहीम राबविण्यात येणार आहे. पाच जिल्ह्यांमध्ये एकूण ५४ लाख ९८ हजार ८८४ लोकसंख्या असून पैकी ५१ लाख ५८ हजार १७० पात्र लाभार्थ्यांना औषधे उपलब्ध करून देण्यात येणार आहेत. मोहिमेंतर्गत उपचारासाठी औषधांचा वापर करण्यात येणार आहे...