🌟भारतीय विद्यार्थ्यांना कोणत्याही परदेशी संस्थेतून एमबीबीएस करण्यासाठी नीट युजी परीक्षा उत्तीर्ण करावी लागणार....!

🌟सर्वोच्च न्यायालयाने एका याचिकेवरील सुनावणीदरम्यान हा निर्णय दिला🌟

मुंबई :- भारतातील असंख्य विद्यार्थी प्रतिवर्षी नीट ची परीक्षा देऊन वैद्यकीय शिक्षणासाठी (एमबीबीएस) प्रवेश मिळवतात तर काही विद्यार्थी भारताबाहेर परदेशात शिक्षणासाठी जातात अशा विद्यार्थ्यांसाठी महत्वाची बातमी आहे भारतीय विद्यार्थ्यांना कोणत्याही परदेशी संस्थेतून एमबीबीएस करण्यासाठी नीट युजी परीक्षा उत्तीर्ण करावी लागणार आहे. नीट परीक्षा उत्तीर्ण झाल्याशिवाय तो विद्यार्थी परदेशी वैद्यकीय महाविद्यालयात प्रवेश घेऊ शकणार नाही.

 एका याचिकेवरील सुनावणीदरम्यान सर्वोच्च न्यायालयाने हा निर्णय दिला आहे. परदेशातून वैद्यकीय अभ्यासक्रम करण्यासाठी नीट युजीपात्रतेची वैधता सर्वोच्च न्यायालयाने कायम ठेवली आहे. सर्वोच्च न्यायालयाने बुधवारी मेडिकल कौन्सिल ऑफ इंडियाचा नियम कायम ठेवला असून, विद्यार्थ्यांना परदेशी संस्थांमध्ये वैद्यकीय अभ्यासक्र म करण्यासाठी नीट उत्तीर्ण करणे अनिवार्य केले आहे. २०१८ मध्ये आलेल्या या नियमानुसार, परदेशात वैद्यकशास्त्राचा अभ्यास करणाऱ्या भारतीय विद्यार्थ्याने भारतात वैद्यकीय सराव करण्यासाठी आवश्यक मानकांची पूर्तता करणे आवश्यक आहे.....