🌟राज्याचे मा.मुख्यमंत्री तथा विद्यमान उपमुख्यमंत्री ना.एकनाथ शिंदे यांच्या सभेला हजारोंच्या संख्येने उपस्थित राहा.....!

🌟असे आवाहन नांदेड दक्षिण विधानसभा मतदारसंघाचे आमदार आनंदराव बोंढारकर यांनी केले🌟

नांदेड (दि.०४ फेब्रुवारी २०२५) :- महाराष्ट्र राज्याचे माजी मुख्यमंत्री शिवसेनेचे मुख्यनेते तथा राज्याचे विद्यमान उपमुख्यमंत्री भाई एकनाथ शिंदे यांचे उद्या गुरुवार दि.०५ फेब्रुवारी २०२५ रोजी आगमन होणार असून दुपारी ०१.०० वाजता नांदेड शहरातील नवा मोंढा मैदानावर त्यांची जाहीर आभार सभा आयोजित करण्यात आली आहे.

या आभार सभेला नांदेड जिल्ह्यातील हजारो नागरिकांनी उपस्थित रहावे असे आवाहन नांदेड दक्षिण विधानसभा मतदारसंघाचे आ.आनंदराव बोंढारकर यांनी केले आहे. नुकत्याच झालेल्या विधानसभा निवडणुकीत महाराष्ट्रातील जनतेने महायुतीच्या पारड्यात आपले भरघोस मतदान देऊन महायुतीला राज्यात पुन्हा सत्तेत आणले आहे. या विजयाचे शिल्पकार ठरलेले उपमुख्यमंत्री एकनाथ शिंदे हे जनतेचे आभार मानण्यासाठी आणि पुन्हा जनतेशी संवाद साधण्यासाठी राज्यात आभार यात्रेच्या माध्यमातून लोकांशी हितगुज करत आहेत. नांदेडच्या सभेची जय्यत तयारी नामदार, विधान परिषदेचे गटनेते तथा आ. हेमंत पाटील यांच्या मार्गदर्शनाखाली सुरु आहे. या सभेला शिवसेनेच्या सर्व पदाधिकाऱ्यांनी, शिवसेनेच्या सर्व घटकाच्या पदाधिकाऱ्यांनी, आजी-माजी लोकप्रतिनिधी, शिवसैनिकांनी आणि या लाडक्या बहिणीसाठी महिन्याला पंधराशे रुपयावरुन एकवीस रुपये पर्यंत अनुदान देण्याचे महान कार्य केले त्या आपल्या भावासाठी, लाडक्या नांदेड जिल्ह्यातील हजारो लाडक्या बहिणीने उपस्थित राहावे असे आवाहन करतानाच लाडक्या बहिणीसाठी वाहनाची मोफत व्यवस्था केलेली आहे तर सभेला येणाऱ्या सर्व नागरिकांच्या जेवणाची आणि पिण्याचे पाण्याची व्यवस्था केली आहे, असेही आ. बोंढारकर यांनी सांगितले.......