🌟राज्य सामाईक प्रवेश परीक्षा कक्षाने (सीईटी कक्ष) बीएड, एमएड प्रवेशाला दिली मुदतवाढ.....!

🌟त्यानुसार विद्यार्थ्यांना १८ फेब्रुवारी २०२५ पर्यंत अर्ज नोंदणी करता येणार🌟

मुंबई : राज्यात बीएड,एमएड अभ्यासक्रमाच्या प्रवेश परीक्षेसाठी विद्यार्थांचा अल्प प्रतिसाद मिळत आहे अधिकाधिक विद्यार्थ्यांना अर्ज करता यावेत यासाठी राज्य सामाईक प्रवेश परीक्षा कक्षाने (सीईटी कक्ष) बीएड-एमएड या अभ्यासक्रमाच्या अर्ज नोंदणीला मुदतवाढ दिली आहे. 

त्यानुसार विद्यार्थ्यांना १८ फेब्रुवारी २०२५ पर्यंत अर्ज नोंदणी करता येणार आहे. व्यावसायिक अभ्यासक्रमांच्या परीक्षेसाठी अधिकाधिक विद्यार्थ्यांना अर्ज करता यावेत, यासाठी सीईटी कक्षाने डिसेंबर महिन्याच्या अखेरीस ऑनलाइन नोंदणी प्रक्रिया सुरू केली. विविध अभ्यासक्रमांच्या नोंदणीसाठी विद्यार्थ्यांना एक महिन्याची मुदत देण्यात आली होती. मात्र विद्यार्थ्यांचा अल्प प्रतिसाद मिळाल्याने अर्ज नोंदणीस मुदतवाढ देण्यात येत आहे.