🌟विकासाची दृष्टी लाभलेलं राजकीय/सामाजिक क्षेत्रातील सुसंस्कृत व्यक्तिमत्व संतोष एकलारे.....!

🌟मानवी जीवनाच रहस्य निष्काम सेवा आहे.आपल्या पद प्रतिष्ठेचा उपयोग त्यांनी व्यापक समाज हितासाठी केला🌟

📝लेखक :- श्रीकांत हिवाळे सर...✍️

परभणी जिल्ह्यातील पुर्णा नगर पालिकेचे माजी नगरसेवक तथा नगराध्यक्षाचे प्रतिनिधी आदरणीय संतोष एकलारे यांचं पूर्णा शहराच्या सर्वांगीण विकासामध्ये मोठे योगदान राहिलं आहे सर्व जाती धर्मामध्ये त्यांच्या विचाराला मानणारा फार मोठा वर्ग आहे. गरीब शेतकरी कष्टकरी शोषित पीडित वंचित समूहाविषयी कमालीची अनुकंपा असणार एक संवेदनाशील मानवतेचा स्पर्श त्यांच्यामध्ये नेहमीच पहावयास मिळतो.

आदर्श राजकारणाचा समाजकारणाचा वसा त्यांनी त्यांचे पुज्य काका स्वर्गवासी सिताराम आप्पा एकलारे यांच्याकडून घेतला.राजकारणाला आदर्श समाजकारणाची व विकासाची दूरदृष्टी डोळ्यासमोर ठेवून व्यापक समाज हिताची जोड दिल्यास आपण समाजाच्या जीवनामध्ये अमुलाग्र परिवर्तन आणू शकतो समाजासमोर एक नवाआदर्श ठेवू शकतो हे संतोष एकलारे यांनी आपल्या कृतीतून सिद्ध करून दाखवले.

 मागच्या नगरपालिकेच्या निवडणुकीमध्ये पूर्णा शहराच्या सर्वांगीण विकासासाठी त्यांच्या नेतृत्वाखाली पॅनल उभे केले.पूर्णा शहर स्वच्छ शहर सुंदर शहर ज्यामध्ये प्रशस्त रोड सांड पाण्याचा निचरा होण्यासाठी नाल्या स्वच्छ पिण्याचे पाणी प्रत्येक नगरामध्ये समाज मंदिर संस्कृतिक हॉल रयतेचे राजे छत्रपती शिवाजी महाराज भारतीय राज्यघटनेचे शिल्पकार भारतरत्न डॉक्टर बाबासाहेब आंबेडकर यांचे पूर्णाकृती पुतळे नगरपालिकेतर्फे व्यापारी संकुले निर्माण करण्याचे त्यांनी आश्वासन दिले होते.

 नगराध्यक्षाचे पद महिलांसाठी राखीव होते त्यांनी आपल्या प्रिय काकू यांना आग्रह केला आपण निवडणुकीला उभ राहाव आपल्या लाडक्या पुतण्याचा आग्रह लक्षात घेऊन काका आदरणीय सिताराम आप्पा एकलारे व आदरणीय काकू गंगाबाई  यांनी सहमती दर्शवली. परभणी जिल्ह्याचे लोकप्रिय खासदार सन्माननीय  संजय उर्फ बंडू जाधव व जिल्हा शिवसेनाप्रमुख सन्माननीय विशाल भाऊ कदम यांच्या मार्गदर्शनाखाली व संतोषजी एकलारे यांच्या नेतृत्वाखाली त्यांचं पॅनल प्रचंड मताधिक्याने निवडून आले.

पुर्णा नगर पालिकेची ऐक हाती सत्ता हाती आल्यानंतर त्यांनी पूर्णा वासियांना दिलेल्या आश्वासनाची परिपुर्तता करण्याचं काम युद्ध पातळीवर करण्यास सुरुवात केली.संतोष जी एकलारे यांनी आपल्या कार्यशैलीचा एक वेगळा ठसा उमटवला. सर्व सन्माननीय नगरसेवक  प्रशासकीय अधिकारी कर्मचारी यांच्यामध्ये समन्वय ठेवून विहित मुदतीच्या कामे केली.तत्कालीन नगर विकास मंत्री व आताचे सन्माननीय उपमुख्यमंत्री एकनाथजी शिंदे  यांचे या कामी मोलाचे सहकार्य लाभले.

 त्यांच्या कार्यकाळामध्ये रयतेचे राजे छत्रपती शिवाजी महाराज भारतीय राज्यघटनेचे शिल्पकार भारतरत्न डॉक्टर बाबासाहेब आंबेडकर यांचे पूर्ण कृती पुतळे सन्मानपूर्वक अतिशय भव्य व दिव्य समारंभामध्ये लोकार्पण झाले.तत्कालीन सन्माननीय मुख्यमंत्री एकनाथजी शिंदे यांच्या प्रमुख उपस्थितीमध्ये व अखिल भारतीय भिकू संघाचे कार्याध्यक्ष भदंत डॉ.उपगुप्त महाथेरो यांच्या प्रमुख मार्गदर्शनाखाली ऐतिहासिक सुवर्ण अक्षराने लिहिण्यासारखा हा कार्यक्रम हजारो नागरिकांच्या माता भगिनींच्या उपस्थितीमध्ये संपन्न झाला.

 मानवी जीवनाच रहस्य निष्काम सेवा आहे.आपल्या पद प्रतिष्ठेचा उपयोग व्यापक समाज हितासाठी त्यांनी केला आजही ते सातत्यपूर्ण समाजसेवेला वाहून घेत आहे आज त्यांचा वाढदिवस या मंगल प्रसंगी त्यांना आयु आरोग्य बल वैभव संपदा लाभो ही मनोकामना...!

 पौर्णिमेच्या शीतल आल्हाद दायक चंद्रमा प्रमाणे त्यांच आयुष्य प्रकाश मान होवो ही सदिच्छा....!

 शुभेच्छुक

श्रीकांत हिवाळे सर 

माजी तालुकाध्यक्ष भारतीय बौद्ध महासभा पूर्णा जी परभणी.