🌟पुर्णेत विद्युत पोलवर काम करतांना बेजबाबदारपणाणे विद्युत प्रवाह सुरू करण्याचे गंभीर प्रकार : एका महिन्यात दोघांचा मृत्यू....!

🌟रोजंदारी तत्वावरील कामगार संतोष जाधव यांचा विजेचा धक्का लागल्याने विद्युत पोलवरुन पडून दुर्दैवी मृत्यू🌟

पुर्णा :- पुर्णेतील महाराष्ट्र राज्य विद्युत वितरण कंपनीच्या गलथान व बेजबाबदार कारभार आणखी किती रोजंदारी कामगारांचा बळी घेणार ? असा गंभीर प्रश्न उपस्थित करणाऱ्या घटना एकामागून एक घडत असून मागील महिन्यात १९ जानेवारी २०२५ रोजी शहरातील पुर्णा-झिरोफाटा मार्गावरील श्रीनिवास काबरा जिनिंग परिसरात रोजंदारी तत्वावर काम करणारे तरुण कामगार विशाल जोगदंड राहणार गौर यांचा डि.पी.वरील डिओ टाकताना अचानक बेजबाबदारपणे विद्युत प्रवाह सुरू केल्याने दुर्दैवी मृत्यू झाल्याच्या घटनेला एक महिना पुर्ण होताच त्याच तारखेला बुधवार दि.१९ फेब्रुवारी २०२५ रोजी ४:०० वाजेच्या सुमारास पुन्हा रोजंदारी तत्वावरील कामगार संतोष जाधव राहणार कंठेश्वर हे शहरातील गवळी गल्ली परिसरातील कमाल टॉकीज वळणावरील विद्युत पोलवर काम करीत असताना अचानक विद्युत प्रवाह सुरू करण्यात आल्याने विजेच्या जबर धक्का लागल्याने संतोष जाधव यांचा पोलवरुन पडल्यामुळे त्यांच्या डोक्याला जबरदस्त मार लागल्याने अतिरक्तस्रराव झाल्याने परिसरातील उपस्थित नागरीकांनी त्यांना बेशुद्धावस्थेत नवजीवन हॉस्पिटल मध्ये दाखल केले परंतु त्यांची प्रकृती गंभीर असल्याने त्यांना पुढील उपचारासाठी नांदेड येथील रुग्णालयात पाठविण्यात आले परंतु उपचारा दरम्यान त्यांचा दुर्दैवी मृत्यू झाल्याचे समजते.

महाराष्ट्र राज्य विद्युत वितरण कंपनीतील निष्काळजी व बेजबाबदार कारभारामुळे अवघ्या एकाच महिन्यात दोन तरुण रोजंदारी तत्वावरील कामगारांना आपला जीव गमवावा लागल्याचे निदर्शनास येत असून रोजंदारी तत्वावरील कामगारांना कुठल्याही प्रकारचे विद्युत पोलवर चढण्याचे प्रशिक्षण नसतांना बेजबाबदारपणे त्यांना विद्युत पोलवर चढवून त्यांच्याकडून बेकायदेशीरपणे काम करुन घेतले जात असल्याने एकामागून एक रोजंदारी तत्वावरील कामगारांना आपला बळी द्यावा लागत आहे याशिवाय त्या रोजंदारी तत्वावरील कामगारांना सुरक्षेचा उपाय म्हणून कुठल्याही प्रकारचे साहित्यांसह सुरक्षा व्यवस्थेची साधने दिली जात नसल्याने रोजंदारी तत्वावरील कामगारांसह महाराष्ट्र राज्य विद्युत वितरण कंपनीतील कायमस्वरूपी कर्मचाऱ्यांना देखील आपला जीव धोक्यात घालून काम करावे लागत आहे.......