🌟नांदेडला सचखंड संबोधल्या जाते सचखंड म्हणजे सत्याची भूमी : येथील जनतेने सत्यालाच विजय मिळवून दिला उपमुख्यमंत्री एकनाथ शिंदे

🌟मराठवाड्याची दुष्काळवाडा ओळख पुसणार उपमुख्यमंत्री एकनाथ शिंदे यांची आभार सभेत घोषणा🌟

नांदेड :- राज्यातील महाविकास आघाडीने मराठवाड्याच्या हिताच्या बंद केलेल्या अनेक योजना माझ्या मुख्यमंत्री पदाच्या कार्यकाळात पुन्हा चालू केल्या आहेत महायुती सरकार मराठवाड्याची ओळख दुष्काळवाडा ही कायमची पुसून टाकणार असल्याचे वक्तव्य महाराष्ट्र राज्याचे माजी मुख्यमंत्री तथा विद्यमान उपमुख्यमंत्री भाई एकनाथ शिंदे यांनी नांदेड येथे आज गुरुवार दि.०६ फेब्रुवारी रोजी आयोजित आभार मेळाव्यात बोलतांना केले यावेळी व्यासपीठावर मंत्री गुलाबराव पाटील,माजी मंत्री जयप्रकाश मुंदडा,ना.हेमंत पाटील,आ.बालाजी कल्याणकर,आ.आनंदराव बोंढारकर, आ.बाबुराव कदम,मा.आ.हरीभाऊ लहाने,माजी खा. सुभाष वानखेडे,माजी आ.सुभाष साबणे यांच्यासह अनेक मान्यवरांची उपस्थिती होती.

(परभणी जिल्हा शिवसेना उबाठा गटाचे जिल्हाप्रमुख विशाल कदम धाडसी युवा नेतृत्व रवी गायकवाड यांनी आपल्या समर्थकांसह उपमुख्यमंत्री एकनाथ शिंदे यांच्या उपस्थितीत शिवसेनेत केला जाहीर प्रवेश)

आभार मेळाव्यात सर्वप्रथम शिवसेना राष्ट्रीय नेते राज्याचे उपमुख्यमंत्री भाई एकनाथ शिंदे यांनी आपल्या भाषणाची सुरुवात लाडकी बहीण-भाऊ, वृद्ध, शेतकरी, तरुण यांना नतमस्तक होवून केली.नांदेडला सचखंड संबोधल्या जाते. सचखंड म्हणजे सत्याची भूमी आहे. येथील जनतेनी सत्यालाच विजय मिळवून दिला आहे. माझ्या कार्यकाळात विविध योजनांना विशेषतः लाडकी बहीण योजनेला विरोधी पक्षातील अनेकांनी खोडा घातला. त्यांना चांगलाच जोड़ा वाजवत सावत्र दुष्ट भावांना चारीमुंड्या चित्त केले. महायुतीच्या विजयानंतर तुमचे आभार मानायला आलो आहे, शिंदे शब्दाचा पक्का आहे अशीच माया या लाडक्या भावावर आभाळागत राहू द्या, अशी सादही त्यांनी यावेळी घातली.

काल-परवा विधानसभा निवडणुकीत मिळालेले यशही दैदिप्यमान आहे. लाडक्या बहीण-भावांच्या महालाटेत भल्याभल्यांचा पत्ता कुठे वाहून गेला ते कळाले नाही. माझ्या कार्यकाळात ज्या योजना सुरु केल्या होत्या. ते कदापी बंद होवू देणार नाही, असेही त्यांनी यावेळी सांगितले. आजची शिवसेना ही कार्यकर्त्यांची आहे. या पक्षात मालक, नौकर कोणीही नाही. माझ्यासह सर्वजण कार्यकर्ते आहेत. बाळासाहेबांनंतर शिवसेनेचे काही नेते कार्यकत्यांना घरगडी समजत होते. म्हणूनच आम्ही धनुष्यबाण व शिवसेनेला गहाण ठेवू दिले नाही. असेही त्यांनी यावेळी स्पष्ट केले नांदेडच्या जनतेनी तीन आमदार विधानसभेत पाठवले आहेत. आणि एक आमदार विधानपरिषदेवर आहे. शिवसेनेचे नांदेडचे चारही आमदार विकासाचा चौकार मारतील. त्यांच्या पाठीमागे एकनाथ शिंदे उभा आहे असेही त्यांनी यावेळी उपस्थितांना सांगितले. येत्या काळात स्थानिक स्वराज्य संस्थांच्या निवडणुका आहेत. या निवडणुका आपल्याला महायुती म्हणूनच लढवायच्या आहेत. येथील नेत्यांनी या निवडणुकीत कार्यकर्त्यांच्या पाठीशी खंबीर उभे राहण्याचे आवाहन केले. पद येतात जातात नाव गेलेले परत येत नाही. मला मुख्यमंत्री, उपमुख्यमंत्री पदापेक्षा लाडका भाऊ म्हणून मिळालेली ओळख ही मोठी आहे. नांदेडमधील हा विजय लोकांच्या चरणी अर्पण करतो. देवेंद्रजी फडणवीस यांच्या नेतृत्वात राज्याला पुढे न्यायचे आहे. सर्वसामान्यांना चांगले दिवस आणायचे आहेत. शरीरातील रक्ताच्या प्रत्येक थेंबावर लाडक्या बहीणीचा अधिकार असल्याचेही त्यांनी यावेळी सांगितले......