🌟गडचिरोली जिल्ह्यातील भामरागड तालुक्यातील जंगल परिसरात झालेल्या चकमकीत एक पोलीस कर्मचारी शहीद.....!

 

🌟जखमी झालेल्या पोलिस कर्मचाऱ्यावर गडचिरोली जिल्हा सामान्य रुग्णालयात उपचार सुरू🌟

गडचिरोली : गडचिरोली जिल्ह्यातील भामरागड तालुक्यातल्या जंगल परिसरात काल मंगळवार दि.११ फेब्रुवारी २०२५ रोजी पोलीस आणि नक्षलवाद्यांमध्ये झालेल्या चकमकीत एक पोलीस कर्मचारी शहीद तर एक पोलीस कर्मचारी जखमी झाला आहे.

चकमकीत जखमी झालेल्या पोलिस कर्मचाऱ्यावर गडचिरोली जिल्हा सामान्य रुग्णालयात उपचार सुरू आहेत. महेश नागुलवार असे शहीद जवानाचे नाव आहे. फुलणार आणि दिरंगी गावाच्या जंगलात नक्षलवादी असल्याची खबर पोलिसांना मिळाली. सीआरपीएफ आणि गडचिरोली पोलिसांचे १८ सी-६० पथक नक्षल अभियानावर होते. त्यावेळी त्यांची नक्षलवाद्यांसोबत चकमक उडाली. दिवसभर चाललेल्या चकमकीत सुरक्षा दलाच्या संयुक्त पथकाने नक्षल तळ उद्ध्वस्त केला. मात्र एका जवानाच्या पोटाला गोळी लागल्याने तो शहीद झाला.