🌟महाराष्ट्र राज्यातील सर्व पोलिस आयुक्तालयांच्या हद्दीत नवीन फौजदारी कायदे लागू करा....!

🌟केंद्रीय गृहमंत्री अमित शहा यांचे मुख्यमंत्री देवेंद्र फडणवीस यांना निर्देश🌟

नवी दिल्ली : दिल्लीत देशाचे गृहमंत्री अमित शाह व महाराष्ट्र राज्याचे मुख्यमंत्री तथा गृहमंत्री देवेंद्र फडणवीस यांच्या भेटीत तीन नवीन फौजदारी कायद्यां संदर्भात चर्चा झाली यावेळी केंद्रीय गृहमंत्री अमित शाह यांनी मुख्यमंत्री देवेंद्र फडणवीस यांना असे निर्देश दिले की महाराष्ट्र राज्यातील सर्व पोलिस आयुक्तालयांच्या हद्दीत केंद्र सरकारने तयार केलेले नवे फौजदारी कायदे लवकरात लवकर अंमलात आणण्याच्या दिशेने पाऊल उचलावी.

दिल्लीत केंद्रीय गृहमंत्री अमित शहा यांच्यासोबत मुख्यमंत्री देवेंद्र फडणवीस यांची तीन नव्या फौजदारी कायद्यांवर चर्चा झाली या फौजदारी कायद्यांची अंमलबजावणी, पोलीस, तुरुंग,न्यायालय,वकील व न्यायवैद्यक आदींची सध्याची परिस्थिती आदींचा आढावा यावेळी घेण्यात आला या नवीन कायद्याच्या अंमलबजावणीसाठी मुख्यमंत्र्यांनी दोन आठवड्यातून एक वेळा आढावा बैठक घ्यावी तर मुख्य सचिव व पोलीस महासंचालकांनी आठवड्यातून एकदा आढावा घ्यावा असे देखील केंद्रीय गृहमंत्री अमित शहा यांनी मुख्यमंत्री देवेंद्र फडणवीस यांना सांगितले.

या बैठकीनंतर पत्रकारांशी बोलताना फडणवीस म्हणाले की, जे तीन नवे फौजदारी कायदे झाले आहेत त्या तिन्ही कायद्यांसंदर्भात एक आढावा बैठक शहा यांनी घेतली. या कायद्याची राज्यात अंमलबजावणी कशी झाली आहे ? पायाभूत सुविधांची तयारी कितपत झाली ? किती गुन्हे नोंदविण्यात आले, याची माहिती शहा यांनी घेतली राज्यातील आतापर्यंत किती पोलिसांचे प्रशिक्षण पूर्ण झाले त्याची माहिती अमित शहा यांना आम्ही दिली, असे देवेंद्र फडणवीस म्हणाले.

💫खटला कमीत कमी वेळेत निकाली कसा काढता येईल यासाठी प्रयत्नशील - मुख्यमंत्री देवेंद्र फडणवीस

दरम्यान,ऑनलाइन कोर्ट क्युबिकल कसे जोडता येईल, कोर्टातील गर्दी कमी करण्यासाठी काय करता येईल, याची माहिती दिली. कमीत कमी वेळेत खटला कसा निकाली निघेल यासाठी प्रयत्न आम्ही करणार आहोत तिन्ही कायदे लागू करण्याची प्रक्रिया राज्यात व्यवस्थित सुरू आहे असेही मुख्यमंत्री म्हणाले..