🌟राज्याचे मुख्यमंत्री देवेंद्र फडणवीस यांच्या अध्यक्षतेखाली झालेल्या राज्य मंत्रिमंडळ बैठकीतील महत्वाचे ६ निर्णय...!

🌟अंमली पदार्थ विरोधी टास्क फोर्सकरिता (एनटीएफ) ३४६ नवीन पद निर्मिती🌟

मुंबई : महाराष्ट्र राज्य मंत्रिमंडळाच्या आज मंगळवार दि.१८ फेब्रुवारी रोजी मुख्यमंत्री देवेंद्र फडणवीस यांच्या नेतृत्वाखाली झालेल्या मंत्रिमंडळ बैठकीत ०६ महत्त्वाचे निर्णय घेण्यात आले असून या मंत्रीमंडळ बैठकीत सहावा राज्य वित्त आयोग स्थापन करण्यास मान्यता देण्यात आली आहे याशिवाय राज्यातील पुणे,जळगाव,पुणेसह अन्य जिल्ह्यांसाठी महत्वपूर्ण निर्णय घेण्यात आले.

राज्य मंत्रिमंडळाच्या बैठकीत घेण्यात आलेले सहा महत्त्वाचे निर्णय वेगवेगळ्या विभागासाठी असून यामध्ये गृह विभाग, सार्वजनिक बांधकाम विभाग,जलसंपदा विभाग,वित्त विभाग, आणि महसूल विभागासाठी सहा निर्णय घेण्यात आले आहे. राज्यातील मुख्यमंत्री देवेंद्र फडणवीस उपमुख्यमंत्री एकनाथ शिंदे उपमुख्यमंत्री अजित पवार यांच्या नेतृत्वाखालील महायुती सरकारकडून आज मंगळवारी राज्यातील जनतेच्या हितासाठी महत्त्वाचे निर्णय घेण्याची शक्यता वर्तवली जात होती मुंबईतील डान्स बारच्या कायद्यात बदल करण्यात येण्याची देखील अपेक्षा व्यक्त केली जात होती परंतू असा कोणताही निर्णय आज झालेल्या मंत्रिमंडळाच्या बैठकीत घेण्यात आलेला नाही राज्य मंत्रीमंडळाने म्हैसाळ उपसा सिंचन योजनेची ऊर्जा कार्यक्षमता वाढविणाऱ्या सौर ऊर्जा प्रकल्पासाठी १ हजार ५९४ कोटींची मान्यता दिली तर  योजनेतून अवर्षण प्रवण भागात १ लाख ८ हजार १९७ हेक्टर क्षेत्राला सिंचन सुविधा. (जलसंपदा विभाग) अंमली पदार्थ विरोधी टास्क फोर्सकरिता (एनटीएफ) ३४६ नवीन पद निर्मिती व त्यासाठीच्या खर्चास मान्यता. (गृह विभाग) सहावा राज्य वित्त आयोग स्थापन करण्यास मान्यता. (वित्त विभाग) राज्यातील रोपवेच्या कामांसाठी राष्ट्रीय राजमार्ग लॉजिस्टिक व्यवस्थापन 2/4 (छक्डचङ) ला आवश्यक जागा उपलब्ध करून देण्यास मान्यता. (सार्वजनिक बांधकाम विभाग) जळगांव जिल्ह्यामधील चाळीसगांव तालुक्यातील वरखेडे लोंढे (बॅरेज) मध्यम प्रकल्पाच्या १ हजार २७५ कोटी ७८ लाख रुपयांच्या तरतूदीस मान्यता. चाळीसगाव, भडगाव तालुक्यातील ८ हजार २९० हेक्टर क्षेत्राला सिंचन सुविधा. (जलसंपदा विभाग) पुण्यातील दिनानाथ मंगेशकर हॉस्पिटलला नाल्यावरील पुलाच्या बांधकामासाठी जमीन देण्यास मंजूरी. (महसूल विभाग) आदी निर्णय आज मंत्रिमंडळाच्या बैठकीत घेण्यात आले.....