🌟मुख्यमंत्री देवेंद्र फडणवीस यांच्या बैठकीला उपमुख्यमंत्री एकनाथ शिंदे यांच्यासह उपमुख्यमंत्री अजित पवार गैरहजर....!

🌟या बैठकीला सगळे उपस्थित असणे अपेक्षित असताना एकनाथ शिंदे उपस्थित नव्हते🌟

मुंबई : महाराष्ट्र राज्याचे मुख्यमंत्री देवेंद्र फडणवीस यांच्या अध्यक्षतेखाली नाशिक येथील २०२७ यावर्षी होणाऱ्या कुंभमेळ्यासाठी बोलावलेल्या बैठकीला राज्याचे उपमुख्यमंत्री एकनाथ शिंदे व उपमुख्यमंत्री अजित पवार या दोघांनीही गैरहजेरी लावल्यामुळे राज्यातील सत्ताधारी महायुतीतील धुसफूस पुन्हा एकदा बाहेर आली असल्याचे बोलले जात आहे.

विशेष म्हणजे राज्याचे उपमुख्यमंत्री एकनाथ शिंदे यांनी देखील काही दिवसांपूर्वी नाशिक येथील २०२७ यावर्षी होणाऱ्या कुंभमेळ्याच्या तयारीसाठी बैठक घेतली होती आता देवेंद्र फडणवीस यांनीदेखील बैठक घेतली मात्र देवेंद्र फडणवीस यांनी घेतलेल्या या बैठकीला दोन्ही उपमुख्यमंत्री गैरहजर होते. काही आठवड्यांपूर्वी देवेंद्र फडणवीस यांच्या उपस्थितीत मंत्रालयात सोशल वॉररूमची बैठक पार पडली होती. या बैठकीला सगळे उपस्थित असणे अपेक्षित असताना एकनाथ शिंदे उपस्थित नव्हते. या गैरहजेरी अस्त्राचे कारण अद्याप स्पष्ट झालेले नाही....