🌟राज्य स्तरीय पत्रकार मेळाव्यात परभणी जिल्ह्यातील ऐतिहासिक स्थळांचे पोस्टर प्रदर्शन....!

🌟जिल्ह्यातील प्राचीन संस्कृतीचे प्रतीक असलेल्या दुर्मिळ असे 52 स्थळांची माहिती देणारे पोस्टर प्रदर्शन भरवण्यात आले होते🌟                            

सेलु : सेलू येथे पार पडलेल्या राज्यस्तरीय आदर्श तालुका पुरस्कार व तालुका अध्यक्ष मेळाव्यात परभणी जिल्ह्यातील प्राचीन संस्कृतीचे प्रतीक असलेल्या दुर्मिळ असे 52 स्थळांची माहिती देणारे पोस्टर प्रदर्शन भरवण्यात आले होते.                

केंद्र शासनाच्या माहिती विभागातील अधिकारी सुनील पोटेकर यांच्या पुढाकारातुन हे प्रदर्शन करण्यात आले.या प्रदर्शनाचे उदघाटन मराठी पत्रकार परिषदेचे मुख्य विश्वस्त एस एम देशमुख यांनी केले यावेळी लोकमत 18 न्युजचे विशाल परदेशी, विश्वस्त किरण नाईक,परिषदेचे उपाध्यक्ष गणेश मोकाशे, सरचिटणीस प्रा. सुरेश नाईकवाडे , मराठी पत्रकार परिषदेचे बुलढाणा प्रसिद्धी प्रमुख मोहन चौकेकर आदी या वेळी उपस्थित होते. यावेळी बोलताना एस एम देशमुख म्हणाले की हे प्रदर्शन पाहून परभणी जिल्ह्याला इतिहासिक ओळख का आहे याचा प्रत्यय येतो.हे प्रदर्शन केवळ अभ्यासकच न्हवे तर सर्वांनाच माहितीचा खजिना आहे.वालुर येथील हेलिकल बारव आता पोस्टस्टॅम्प वर आली यातच  परभणी जिल्ह्याचा वारसा किती समृद्ध आहे हे सिद्ध होते.यावेळी राज्य स्तरीय मेळाव्यात उपस्थित 850 हुन अधिक पत्रकारांनी या पोस्टर प्रदर्शनास भेट दिली.या प्रदर्शनात हेलिकल बारव (वालुर),शिवालय ( भोगाव),पापदंडेश्वर मंदिर (रामपुरी), नीलकंठेश्वर ( ढेंगली पिम्पलगांव),वाघेश्वर गोदात ट( वाणी संगम),महादेव मंदिर( महातपुरी),सिद्धेश्वर मंदिर(वालुर) काशी विश्वेश्वर ( चारठाना),साळेश्वर मंदिर ( साळापुरी),खंडेश्वर मंदिर (मुदगल),रेणुकादेवी ( राणी सावरगाव),मलिकअर्जुन मंदिर(रामपुरी),सिद्धेश्वर मंदिर ( कासापुरी),सोमेश्वर मंदिर(बोरी),नृसिंह मंदिर (चारठाना), नागनाथ मंदिर (हतनूर),गुप्तेश्वर मंदिर (धारासुर),चारठाना स्तंभ (चारठाना),दीपमाळ ( भोगाव ),दुतोंडी महादेव मंदिर(महातपुरी ) आदींचा समावेश होता.हे प्रदर्शन भरवण्यासाठी जिल्हादयक्ष प्रभू दिपके,जिल्हा सरचिंटनिस मोहम्मद इलियास, तालुका अद्यक्ष लक्षमण बागल,नीरज लोया, कांचन कोरडे,मोहसीन अहेमद,सतीश आकात, निसार पठाण,लक्ष्मण माणोलीकर, राजू हट्टेकर, संजय मुंढे आदीनी परिश्रम घेतले.......

(सेलू येथील राज्यस्तरीय आदर्श तालुका पत्रकार संघ पुरस्कार व तालुका अध्यक्ष मेळाव्यात 'दोन मान्यवरांची सदिच्छा भेट' : आयबीएन लोकमतचे अँकर विशाल परदेशी यांच्या सोबत मराठी पत्रकार परिषदेचे बुलढाणा जिल्हा प्रसिद्धी प्रमुख मोहन चौकेकर)

✍️ मोहन चौकेकर