🌟उत्तर प्रदेश राज्यातील प्रयागराज येथील महाकुंभशी संबंधित झालेल्या ३ अपघातांमध्ये १६ भाविकांचा दुर्दैवी मृत्यू....!

 

🌟कर्नाटकच्या भाविकांची कार ट्रकवर आदळली यात पती-पत्नीसह ६ जणांचा मृत्यू🌟

प्रयागराज : उत्तर प्रदेश राज्यातील प्रयागराज येथील महाकुंभ मेळ्याशी संबंधित झालेल्या तीन अपघातांमध्ये एकूण १६ भाविकांना आपले प्राण गमवावे लागले आहे या तीन अपघातांपैकी दोन अपघात उत्तर प्रदेशात तर एक अपघात बिहार राज्यात झाला प्रयागराज येथील महाकुंभ मेळ्यातील धार्मिक कार्यक्रम आटोपून घरी निघालेल्या कारने ट्रकला मागून धडक दिली ही घटना बिहारच्या भोजपूर येथे घडली. यात ६ जणांचा मृत्यू झाला यातील चार जण एकाच कुटुंबातील होते दुसऱ्या अपघातात वाराणसी-प्रयागराज महामार्गावर महाकुंभला जाणाऱ्या कर्नाटकच्या भाविकांची कार ट्रकवर आदळली. यात पती-पत्नीसह ६ जणांचा मृत्यू झाला हा अपघात मिर्झामुराद येथे घडला या क्र्युझर जीपमध्ये ११ जण होते.

तिसऱ्या अपघातात महाकुंभात स्नान करून उत्तर प्रदेशातील गाझीपूर येथे परतताना वाराणसी-गोरखपूर महामार्गावर ट्रेलरला कार धडकली. या अपघातात ४ जणांचा जागीच मृत्यू झाला, तर एकजण गंभीर जखमी झाला आहे......