🌟भारतात महिलांमध्ये कर्करोगावर उपचार करणारी लस पुढील पाच ते सहा महिन्यांत उपलब्ध होणार.....!

 

🌟केंद्रीय आरोग्यमंत्री प्रतापराव जाधव यांनी दिली महत्त्वाची माहिती🌟

नवी दिल्ली : भारतात कर्करोगाची लागण झालेल्या रुग्णांच्या संख्येत वेगाने वाढ होत आहे देशात कर्करोगापेक्षा स्तनाच्या सर्वात प्राणघातक आणि वेगाने पसरणारा कर्करोग म्हणजे गर्भाशय ग्रीवा किंवा गर्भाशयाच्या मुखाचा कर्करोग अनेक महिला व तरुणींना या गंभीर आजाराची लागण होत आहे. त्यामुळेच केंद्र सरकारने त्यासाठी पुढाकार घेतला असून महिलांमध्ये कर्करोगावर उपचार करणारी लस पुढील पाच ते सहा महिन्यांत उपलब्ध होणार आहे. ही लस ६ ते १६ वर्षे वयोगटातील मुलींना दिली जाईल, अशी माहिती केंद्रीय आरोग्य राज्यमंत्री प्रतापराव जाधव यांनी दिली.

ते म्हणाले की, “देशात कर्करोगाच्या रुग्णांमध्ये सातत्याने वाढ होत आहे आणि सरकार या समस्येचा सामना करण्यासाठी पावले उचलत आहे. ३० वर्षांपेक्षा जास्त वयाच्या महिलांसाठी रुग्णालयांमध्ये कर्करोग तपासणी केली जाणार आहे. यासोबतच कर्करोगाच्या उपचारांसाठी 'डे केअर कर्करोग केंद्रे 'देखील स्थापन केली जातील. आता कर्करोगाच्या उपचारात वापरल्या जाणाऱ्या औषधांवरील सीमाशुल्कही रद्द करण्यात आले आहे. यामुळे कर्करोगाचा प्रसार रोखण्यात यश मिळणार आहे."

💫कर्करोगावरील लसीच्या चाचण्या सुरू :-

“महिलांसाठी कर्करोगावरील लस पुढील पाच ते सहा महिन्यांत उपलब्ध होणार आहे. या लसीवरील संशोधनकार्य जवळपास पूर्ण झाले आहे आणि सध्या चाचण्या सुरू आहेत. ही लस महिलांमध्ये होणाऱ्या सर्वात सामान्य प्रकारच्या कर्करोगापासून संरक्षण प्रदान करेल. यात स्तनाचा कर्करोग, तोंडाचा कर्करोग आणि गर्भाशयाच्या ग्रीवेच्या कर्करोगाचा समावेश आहे. यामुळे महिलांचे आरोग्य सुधारण्यास मदत होणार आहे," असेही त्यांनी सांगितले....