🌟महाराष्ट्र राज्य मंत्रिमंडळाच्या आज मंगळवार दि.११ फेब्रुवारी रोजी झालेल्या बैठकीतील महत्वाचे निर्णय....!

🌟मुंबईतील वसई-विरारसह बारामतीचा पाणी प्रश्न मार्गी🌟

मुंबई :- महाराष्ट्र राज्याचे मुख्यमंत्री देवेंद्र फडणवीस यांच्या अध्यक्षतेखाली आज मंगळवार दि.११ फेब्रुवारी २०२५ रोजी झालेल्या दोन सिंचन प्रकल्पाच्या सुधारीत खर्चाला मान्यता देत राज्य मंत्रिमंडळाच्या कॅबिनेट बैठकीत महत्वाचे निर्णय घेण्यात आले राज्य मंत्रिमंडळाच्या कॅबिनेट बैठकीत वसई,विरार सोबतच बारामती परिसरातील पिण्याच्या पाण्याचा प्रश्न मार्गी लावण्याचा महत्वपूर्ण निर्णय घेण्यात आला.

राज्य मंत्रिमंडळाच्या कॅबिनेटची बैठक आज मुख्यमंत्री देवेंद्र फडणवीस यांच्या अध्यक्षतेखाली मंत्रालयात पार पडली. या बैठकीत केवळ तीन विषयांवर निर्णय घेण्यात आले. पालघर जिल्ह्यातील देहरजी मध्यम पाटबंधारे प्रकल्पासाठी २ हजार ५९९ कोटी रुपयांच्या सुधारित खर्चाला मंजुरी देण्यात आली. तर जनाई शिरसाई उपसा सिंचन योजनेच्या कालव्यांना बंदिस्त नलिका वितरण प्रणालीत रुपांतरण करण्याच्या कामासाठी प्रशासकीय मान्यता देण्यात आली. आपत्ती व्यवस्थापन प्राधिकरण नियमांत २०१९ मध्ये दुरुस्ती करण्यात आली आहे. देहरजी मध्यम पाटबंधारे प्रकल्प, ता. विक्रमगड, जि. पालघरसाठी २ हजार ५९९ कोटी रुपयांच्या सुधारित खर्चाला मंजुरी देण्यात आली आहे. या प्रकल्पातून ६९.४२ दलघमी पाणीसाठा वसई-विरार महापालिकेच्या पिण्याच्या पाण्यासाठी आरक्षित तर जनाई शिरसाई उपसा सिंचन योजना ता. दौंड, बारामती आणि पुरंदर जि. पुणे योजनेच्या कालव्यांना बंदिस्त नलिका वितरण प्रणालीत रुपांतरण करण्याच्या कामासाठी विस्तार व सुधारणा अंतर्गत ४३८.४८ कोटी रुपयांना प्रशासकीय मान्यता देण्यात आली. त्यामुळे उपमुख्यमंत्री अजित पवार यांच्या बारामती मतदारसंघातील दौंड, बारामती, पुरंदर तालुक्यातील अवर्षण भागात ८३५० हेक्टर जमिनीला सिंचन उपलब्ध होणार आहे. यापैकी शिरसाईतून बारामती, पुरंदरच्या अवर्षण भागात ५७३० हेक्टर जमिन सिंचनाखाली येणार आहे. त्याचप्रमाणे आपत्ती व्यवस्थापन प्राधिकरण नियमांत २०१९ मध्ये दुरुस्ती करण्याचा निर्णय राज्य मंत्रिमंडळाने घेतला आहे. या निर्णयामुळे आपत्ती व्यवस्थापनात आता उपमुख्यमंत्री एकनाथ शिंदे यांचा प्रवेश निश्चित मानला जात आहे.....