🌟पुर्णेतील बुध्द विहारात माता रमाई जन्मोत्सवासह एक दिवसीय विपश्यना शिबिर उत्साहात संपन्न.....!

🌟अखिल भारतीय भिकू संघाचे कार्याध्यक्ष भदंत डॉक्टर उपगुप्त महाथेरो त्यांच्या मार्गदर्शनाखाली कार्यक्रम संपन्न🌟

पुर्णा :- पुर्णा शहरातील बुध्द विहार येथे डॉ.बी.आर.आंबेडकर स्मारक व बुद्ध विहार समिती व धम्म सेवेत कार्यरत असलेल्या महिला मंडळाच्या वतीने आज शुक्रवार दि.०७ फेब्रुवारी २०२५ रोजी सकाळी १०.०० वाजता अखिल भारतीय भिकू संघाचे कार्याध्यक्ष भदंत डॉक्टर उपगुप्त महाथेरो त्यांच्या मार्गदर्शनाखाली भदंत पयावंश यांच्या संयोजनाखाली माता रमाई जन्मोत्सव व एकदिवसीय विपश्यना शिबिर कार्यक्रमाचे आयोजन करण्यात आले होते. प्रमुख धम्मदेशना भदंत अशिन उत्तम तारा सयाडो संस्थापक अध्यक्ष थब रवा मेडिटेशन सेंटर म्यानमार यांची संपन्न झाली.जयंती उत्सवाच्या अध्यक्ष म्हणून निरंजना धम्म सेवाभावी महिला मंडळाच्या अध्यक्षा कासाबाई कांबळे ह्या होत्या प्रमुख वक्त्या म्हणून सुप्रसिद्ध लेखिका डॉक्टर करुणा जमधाडे व प्रमुख अतिथी म्हणून सारनाथ वेल्फेअर फाउंडेशन परभणी चे संचालक भीमराव वायवळ हे होते.अखिल भारतीय भिकू संघाचे कार्याध्यक्ष यांनी प्रमुख पाहुणे प्रमुख वक्ते व विदेशातील भंतेगणांचा व पाहुण्यांचा परिचय करून दिला. 

याप्रसंगी रमाई कादंबरीचे लेखिका डॉक्टर करुणा जमदाडे  रमाई आंबेडकरांच्या जीवनावर यथोचित प्रकाश टाकताना सांगितले रमाईच समस्त जीवन असीम त्याग सेवा समर्पणाचा होता कोट्यावधी लेकरांची माता होण्याचे भाग्य रमाई यांच्या वाट्याला आल.रमाईच्या जीवनातले विविध प्रसंग धारवाड येथील वस्तीगृहातील मुलांना कशा पद्धतीने आपल्या सोन्याच्या बांगड्या गहाण ठेवून त्यांनी जेवण दिलं त्याचप्रमाणे त्यांना पंढरपूरला जायचं होतं डॉक्टर बाबासाहेब आंबेडकरांनी देश विदेशातल्या विविध उच्च पदव्या घेतल्या त्यांच्या सर्व इच्छा पंढरपूरच्या पांडुरंगांनी पूर्ण केल्या याबद्दल त्यांना पंढरपूरला जाण्याची इच्छा व्यक्त केली 

परंतु डॉक्टर बाबासाहेब आंबेडकरांनी रमाईला पंढरपूरला नेलं नाही त्या ऐवजी नागपूरला दीक्षाभूमीच्या रूपाने मोठा पंढरपूर निर्माण केलं रमाई साठी त्यांनी राजगृह ही वास्तू बांधली परंतु त्या त्यामध्ये त्यांना जास्त काळ राहत आल नाही.रमाईचा महान आदर्श डोळ्यासमोर ठेवून आपण मार्गक्रमण केलं पाहिजे असे याप्रसंगी सांगितले. यावेळी त्यांच्या रमाई कादंबरीच्या चौथ्या आवृत्तीचा प्रकाशन झाल.प्रमुख धम्मदेशनेमध्ये डॉक्टर अश्विन उत्तम तारा सयाडो यांनी विपश्यनेचे महत्त्व विशद करत असताना बौद्धकालीन मानवी मनाची मशागत करणारी ही कला आहे.

विपश्यनाचार्य गोयंका गुरुजी च्या माध्यमातून जगभरामध्ये विपश्यना केंद्र उभे राहिले आहेत. त्यांचेही जगामध्ये विविध ठिकाणी सेंटर आहेत  म्यानमार वियतनाम थायलंड अमेरिका जपान तैवान. या ठिकाणी त्यांची विपश्यना केंद्र आहे बुद्धांनी सांगितलेली प्रज्ञाशील करुणा मंगल मैत्री आपल्या जीवनाचा अविभाज्य भाग झाली पाहिजे अशा प्रकारचे विवेचन त्यांनी याप्रसंगी केले व उपस्थित कडून अर्धा ते पाऊण तास विपश्यना करून घेतली. हा कार्यक्रम संपल्यानंतर उपस्थिताना विहार समितीच्या वतीने भोजन दान देण्यात आले. 

यावेळी प्रमुख उप स्तीती मध्ये ज्येष्ठ आंबेडकरी विचारवंत प्रकाश कांबळे नगरपालिकेचे गटनेते उत्तम भैया खंदारे नगरसेवक एडवोकेट हर्षवर्धन गायकवाड माजी उपनगराध्यक्ष यादवराव भवरे ज्येष्ठ धम्म उपासक अमृत मोरे टी झेड कांबळे कॉम्रेड अशोक व्ही कांबळे वारा  काळे इंजिनीयर पी.जी रणवीर दिलीप गायकवाड पत्रकार विजयराव बगाटे शिवाजी थोरात हनवते गुरुजी भारतीय बौद्ध महासभेचे माजी जिल्हाध्यक्ष शामराव जोगदंड शाहीर गौतम कांबळे मुगाजी खंदारे ज्ञानोबा जोंधळे गंगाधर बरबडीकर गौतम वाघमारे आदींची उपस्थिती होती. 

कार्यक्रम यशस्वी करण्यासाठी सुरज जोंधळे राहुल धबाले बाळू बरबडीकर राहुल दवणे बोद्धाचार्य त्र्यंबक कांबळे बौद्धाचार्यअमृत करहाळे अतुल गवळी सोनू काळे सह धम्म सेवेत कार्यरत असलेल्या महिला मंडळांनी परिश्रम घेतले सूत्रसंचालन श्रीकांत हिवाळे यांनी केले......