🌟महाराष्ट्र प्रदेश काँग्रेस पक्षाचे नुतन प्रदेशाध्यक्ष हर्षवर्धन सपकाळ आज स्वीकारणार प्रदेशाध्यक्षपदाची सूत्रे.....!

🌟मरीन लाईन्स येथील बिर्ला मातोश्री सभागृहात दुपारी ०१.०० वाजता पार पडणार पदग्रहण सोहळा🌟

मुंबई : महाराष्ट्र प्रदेश काँग्रेस कमिटीचे नवनियुक्त प्रदेशाध्यक्ष हर्षवर्धन सपकाळ यांचा पदग्रहण सोहळा आज मंगळवारी दि.१८ फेब्रुवारी रोजी मरीन लाईन्स येथील बिर्ला मातोश्री सभागृहात दुपारी ०१.०० वाजता पार पडणार आहे. 

या पदग्रहण कार्यक्रमात नुतन प्रदेशाध्यक्ष हर्षवर्धन सपकाळ हे पुर्व प्रदेशाध्यक्ष नाना पटोले यांच्याकडून प्रदेशाध्यक्षपदाची सूत्रे स्वीकारणार आहेत. काँग्रेसचे महाराष्ट्र प्रभारी रमेश चेन्नीथला,अखिल भारतीय काँग्रेस कमिटीचे सरचिटणीस मुकूल वासनिक, ज्येष्ठ नेते व काँग्रेस वर्किंग कमिटीचे सदस्य बाळासाहेब थोरात, विधिमंडळ पक्षनेते विजय वडेट्टीवार, माजी मुख्यमंत्री पृथ्वीराज चव्हाण,सुशीलकुमार शिंदे, अखिल भारतीय काँग्रेस कमिटीच्या कम्युनिकेशन विभागाचे चेअरमन पवन खेरा, अखिल भारतीय काँग्रेस कमिटीच्या अल्पसंख्यांक विभागाचे अध्यक्ष खा. इम्रान प्रतापगडी, प्रदेश कार्याध्यक्ष व काँग्रेस वर्किंग कमिटीचे सदस्य नसीम खान यांच्यासह सर्व प्रदेश कार्याध्यक्ष, पक्षाचे वरिष्ठ नेते, पदाधिकारी, कार्यकर्ते यांच्या उपस्थितीत हा सोहळा होणार आहे. नाना पटोले यांनी चार वर्ष काँग्रेस प्रदेशाध्यक्षपदाची जबाबदारी यशस्वीपणे पार पाडली. त्यांच्या नेतृत्वाखाली झालेल्या निवडणुका, पोटनिवडणुका व लोकसभा निवडणुकीत काँग्रेस पक्षाला महाराष्ट्रात चांगले यश मिळाले. विधानसभा निवडणुकीनंतर नाना पटोले यांनी पदाचा राजीनामा दिल्यानंतर हर्षवर्धन सपकाळ यांची प्रदेशाध्यक्षपदी नियुक्ती करण्यात आली आहे.....