🌟परभणी जिल्हा स्थानिक गुन्हा अन्वेषण विभागाची धाडसी कारवाई : ०६ लाख रुपयें किमतीचा ३२ किलो गांजा जप्त....!

🌟रेल्वे स्थानक परिसरात गांजाचा साठा घेवून उभ्या असणार्‍या दोघांना घेतले ताब्यात🌟

परभणी :- परभणी जिल्हा स्थानिक गुन्हा अन्वेषण विभागाच्या पथकाने परभणी रेल्वे स्थानक परिसरा गांजाचा साठा घेवून उभ्या असणार्‍या दोघा व्यक्तींना ताब्यात घेवून त्यांच्याकडून तब्बल ३२ किलो २०० ग्राम गांजा किंमत अंदाजे ०६ लाख ०४ हजार रुपयांचा मुद्देमाल पंचासमक्ष जप्त केला.

            स्थानिक गुन्हा अन्वेषण विभागाचे सहाय्यक पोलिस निरीक्षक राजू मुत्तेपोड,पोलिस उपनिरीक्षक चंदन परिहार व त्यांच्या पथकाला मिळालेल्या माहिती नुसार, रेल्वेस्थानकासमोर काही व्यक्ती गांजा विक्री आणि वाहतूकीसाठी ताब्यात बाळगून आहेत याची खात्री पटल्यानंतर पथकाने शेख अकबर शेख जाफर राहणार परतूर व सुनील सुंदर हरिजन राहणार ओरिसा यास ताब्यात घेतले व त्यांच्याकडून ३२.२०० किलो ग्राम गांजा जप्त केला. त्या दोघांनी दिलेल्या माहितीनुसार या पथकाने शेख कलीम शेख जहूर राहणार परतूर याचा मानवतकडे पाठलाग केला व त्यासही ताब्यात घेतले. दरम्यान या तिघा आरोपींविरोधात पोलिसांनी एनडीपीएस कायद्याप्रमाणे नवामोंढा पोलिस ठाण्यात गुन्हा दाखल करण्याची प्रक्रिया सुरु केली होती......