🌟2 कोटी रुपयांच्या खंडणीसाठी अपहरण झालेल्या बिल्डर अरुण तुपे यांच्या चैतन्य या मुलाचा शोध लागला.....!

🌟जालना जिल्ह्यात अपहरणकर्त्यांच्या कारचा अपघात झाल्याने चैतन्य सापडला ; 3 जणांना अटक🌟 

छत्रपती संभाजीनगर येथे मंगळवारी रात्री शहरातील नामांकित बिल्डरच्या मुलाचे 2 कोटी रुपयांच्या खंडणीसाठी अपहरण केले होते. या प्रकरणातील तिघांना पोलिसांनी अटक केली असून मुलाची देखील सुखरूप सुटका करण्यात आली असल्याची माहिती समोर आली आहे.

मंगळवारी रात्रीच्या सुमारास 7 वर्षीय चैतन्य सुनील तुपे हा वडिलांसोबत घराबाहेर फिरत होता. यावेळी काळ्या रंगाची चारचाकी तिथे आली आणि वडिलांच्या समोरच मुलाचे अपहरण केले. ही घटना मंगळवारी रात्री घडली होती. अपहरणाचा प्रकार सीसीटीव्हीमध्ये देखील कैद झाला आहे. यावेळी अपहरणकर्त्यांनी मुलाची सायकल देखील रस्त्याच्या कडेला टाकून दिल्याचे दिसत आहे.

💫कसे झाले अपहरण ?

मंगळवारी रात्रीचे जेवण झाल्यानंतर सुनील तुपे आपला मुलगा चैतन्यसह (7 वर्षे) फिरण्यासाठी घराबाहेर पडले होते. सुनील पुढे चालत असताना मुलगा सायकलवर मागे होता. सिडको एन-4 च्या भागात ते होते. रात्रीचे 8.40 झाले अन् एक काळ्या रंगाची चारचाकी आली. सेंट्रल मॉल येथून आलेल्या या चारचाकीतून तिघे जण उतरले अन् त्यांनी सुनील यांच्यासमोर त्यांच्या मुलाचे अपहरण केले. ही चारचाकी आधी जयभवानीनगरकडे गेली नंतर सिडकोमार्गे शहराबाहेर पळून गेले.

💫असा लागला चैतन्य तुपेचा शोध :-

अपहरणकर्ते छत्रपती संभाजीनगर येथून सिल्लोड, भोकरदन या मार्गाने माहोराकडे गेले. माहोराकडे जात असताना त्यांच्या कारला अपघात झाला. आसई पाटीजवळ भाजीपाला भरण्यासाठी थांबलेल्या MH 21 BH 6048 (जीतो) मालवाहू लोडिंग गाडीला जोरदार धडक दिली व पथदिव्याच्या खांबाला धडकून बलेनो कार दहा ते पंधरा फूट फरफटत रस्त्याच्या बाजूला असलेल्या सुखदेव जाधव यांच्या शेतात गाडी जाऊन पडली. अपघातात गाडीचा समोरचा भाग चुराडा झाला.

अपघातानंतर अपहरणकर्ते आरोपी ज्ञानेश्वर, जीवन व बंटी हे तिघे चैतन्यला घेऊन अंधारात पसार झाले. प्रणव हा अत्यंत जखमी अवस्थेत होता. पळून जाण्याच्या तयारीत असताना लोडिंग गाडी मालक गजानन भावले रा. वालसा याने व इतर ग्रामस्थांच्या मदतीने प्रणवला पकडले. जखमी अवस्थेतील प्रणवला भोकरदन येथील ग्रामीण रुग्णालयात उपचारासाठी आणण्यात आले.

भोकरदन पोलिसांना या घटनेची माहिती मिळाली असता पोलीस उपनिरीक्षक पवन राजपूत व इतर पोलीस कर्मचारी घटनास्थळी गेले त्यांनी सायरन वाजवून आरोपींना शरण येण्यास बाबत आवाहन केले. मात्र तोपर्यंत आरोपी हे अंधाराचा फायदा घेत मुलाला घेऊन पळून गेले होते.आरोपींपैकी शिवराज व जीवन यांनी फोन करून एका व्यक्तीला फोन केला आणि जाफराबादला निघून गेले. जीवन हा रात्रभर जाफराबाद बस स्थानकावर झोपून होता तर दुसरा आरोपी शिवराज हा एका जेसीबीवर चालक म्हणून काम करतो तो नेहमीप्रमाणे बुधवारी जेसीबीवर कामावर गेला असता पोलिसांनी त्याला ताब्यात घेतले.

ज्ञानेश्वर उर्फ हर्षल शेवत्रे हा चैतन्यला घेऊन रात्रीच घटनास्थळावरून पसार झाला त्याने त्याच्या भाऊ गणेशला फोन केला .सुरुवातीला तो चैतन्यला घेऊन जाफराबाद त्यानंतर ब्रह्मपुरी व मंगरूळ शिवारामध्ये एका मकाच्या शेतामध्ये लपून बसला होता. पोलिसांनी हर्षलच्या मोबाईलचे लोकेशन व तपासून हर्षलच्या भाऊ गणेशला ताब्यात घेऊन चौकशी केली व भावाच्या फोनवरून हर्षल ला फोन करून अत्यंत शिताफीने हर्षलला अटक केले व मुलाची सुटका केली.

या सर्व प्रकरणाचा मास्टर माईंड मुख्य आरोपी हा ज्ञानेश्वर उर्फ हर्षल शेवत्रे हा आहे. तो छत्रपती संभाजीनगर येथे राहतो. छत्रपती विद्यालयामध्ये बीसीएसच्या प्रथम वर्षात शिक्षणही घेत आहे. त्यानेच शिवराज उर्फ बंटी गायकवाड (रा. आळंद, ता जाफराबाद) याला सांगितले की तू आमच्या सोबत चल तुलाही पैसे भेटतील व सोबत घेऊन गेले, अशी माहिती एक अपहरणकरता असलेला बंटी याच्याकडून मिळाली आहे. हे चौघे संभाजीनगर येथून चैतन्याचे अपहरण केल्यानंतर भरधाव वेगात गाडीमध्ये निघाली. गाडीतच या चौघांनीही मद्य प्राशन केले. दारूच्या नशेतच गाडीचा अपघात झाला व घटनास्थळावर गंभीर जखमी प्रणव शेवटी पकडला गेला. त्याच्या चौकशीतूनच या सर्व अपहरणाचे सर्व प्रकरण उघडकीस आले व सर्व आरोपी पर्यंत पोहोचता आले व अपहरण केलेल्या चैतन्याची सुखरूप सुटका झाली.

💫मुख्यमंत्री देवेंद्र फडणवीसांनी घेतली दखल :-

या प्रकरणाची मुख्यमंत्री देवेंद्र फडणवीस यांनी दखल घेतल्यामुळे जालन्याचे पोलीस अधीक्षक अजय कुमार बंसल भोकरदन पोलीस ठाण्यात तळ ठोकून होते. छत्रपती संभाजी नगर जालना व भोकरदन जाफराबाद टेंभुर्णी पोलिसांच्या संयुक्त पथकाने हे ऑपरेशन यशस्वीरित्या पूर्ण केले.उपविभागीय पोलीस अधिकारी गणपत दराडे पोलीस निरीक्षक किरण बिडवे ,संभाजीनगर गुन्हे अन्वेषण विभागाचे संदीप गुरमे, विशाल बोडखे,टेंभुर्णी पोलीस ठाण्याचे सचिन खामगळ, भोकरदन चे पोलीस उपनिरीक्षक पवन राजपूत व इतर कर्मचारी यांनी ही कारवाई केली.

💫लोकेशनवर पोलिसांचा तत्परतेने छापा :-

लोकेशनच्या माहितीच्या आधारे जालना पोलिसांसोबत छत्रपती संभाजीनगर पोलिसांचे देखील पथक जाफराबाद तालुक्यातील ब्रह्मपुरी येथे रवाना झाले. यावेळी दिलेल्या लोकेशनवर पोलिसांनी तत्परतेने छापा टाकत अपहरण झालेल्या 7 वर्षीय चैतन्य तुपेची सुखरूप सुटका केली. यावेळी बंटी गायकवाड याच्यासह हर्षल असे अन्य दोन संशयित आरोपींना अटक करण्यात आली. चौकशीत हे तिन्ही आरोपी ब्रह्मपुरी येथील रहिवाशी असल्याचे समजते.

आईबाबाशी बोलताच चैतन्याच्या चेहऱ्यावर चैतन्य आले ; चैतन्यचा टाटा घरची मंडळी आनंदात पोलिसांनी चैतन्यची सुखरूप सुटका केली. त्यानंतर त्याचे मोबाइलवर घरातल्या मंडळींशी बोलणे करून दिले. आई-बाबांचे चेहरे दृष्टीस पडतास चैतन्यच्या चेहऱ्यावर खऱ्या अर्थाने चैतन्य आले. त्याने हसून घरातल्या सर्वांशी गप्पा मारल्या. आता आपण पोलिसांसोबत घरी येतोय असा निरोप दिला. घरातल्या मंडळींना टाटा करत फोन ठेवला.घरची मंडळी या मुळे आनंदी झाल्याचे दिसून आले हा व्हिडिओ सुद्धा समोर आला आहे.

पोलिस  अक्षीक्षक अजय बंनसल यांनी सांगितले या कारवाईवर पोलिस अधीक्षक अजयकुमार बन्सल यांनी सांगितले की  छत्रपती संभाजीनगर येथून अपहरण झालेल्या चैतन्य तुपे या 7 वर्षीय मुलगा सापडला असून या प्रकरणात तीन आरोपींना अटक करण्यात आली आहे. ही कारवाई जालना पोलिसांसह छत्रपती संभाजीनगर पोलिसांनी पार पाडली आहे.

💫आराेपींच्या शाेधासाठी 100 फुटेज तपासले :-

८.३० वाजता बाप-लेक सिडकाेतून घराबाहेर पडले

८.४० ते ८.४५ वा. मुलाला तिघांनी उचलून नेले.

८.४५ वाजेच्या नंतर कार जयभवानीनगर मार्गे कामगार चौक येथून गायब झाली.

८.४५ मुलगा हरवल्याचा मेसेज तयार करून ग्रुपवर व्हायरल करण्यात आला.

९.४३ वाजता दोन कोटी खंडणीसाठी फोन आला. हा फाेन हसनाबादहून आल्याचे पाेलिस तपासात उघड.

९.५० परिसरातील हॉटेल बंद करण्यात आले. त्यानंतर नाकाबंदी केली. 

११.३० वाजता सीसीटीव्ही तपासणी सुरू केली. 

चार तासात १०० फुटेज पाेलिसांनी तपासले, तरी शाेध लागेना.

बिल्डरची बांधकाम साइट सुरू आहे.त्यावरील कामगारांची चौकशी केली.

अपहरणकर्ते छत्रपती संभाजीनगर येथून सिल्लोड, भोकरदन या मार्गाने माहोराकडे निघाले माहोराकडे जात असताना अपहरणकर्त्यांच्या कारला अपघात आरोपी प्रमोद शेवैत्रै जखमी शेवैत्रेला भोकरदन येथील शासकीय रुग्णालयात उपचारासाठी दाखल करण्यात आले इथेच पोलिसांना चैतन्य तुपेच्या केसची लिंक लागली. प्रमोदची चौकशीतून उर्वरित तीन आरोपींच्या लोकेशनची माहिती मिळाली लोकेशनच्या माहिती आधारे जालना पोलिसांसोबत छत्रपती संभाजीनगर पोलिसांचे ब्रह्मपुरीला रवाना.लोकेशनवर छापा टाकत अपहरण झालेल्या 7 वर्षीय चैतन्य तुपेची सुखरूप सुटका तीन संशयितांना ठोकल्या बेड्या.......

✍️ मोहन चौकेकर