🌟परभणी कृषी विज्ञान केंद्र येथे पीएम किसान सन्मान निधीच्या 19 व्या हप्त्याचे थेट प्रक्षेपण संपन्न....!

🌟या थेट प्रक्षेपणाच्या कार्यक्रमात कृषि विभाग परभणी चे अधिकारी उपस्थित होते🌟

परभणी : परभणी येथील कृषी विज्ञान केंद्र येथे आज 24 फेब्रुवारी, 2025 रोजी पंतप्रधान किसान सन्मान निधीच्या 19 व्या हप्त्याच्या थेट प्रक्षेपणाचे आयोजन डॉ. प्रशांत भोसले, वरिष्ठ शास्त्रज्ञ व प्रमुख यांच्या अध्यक्षतेखाली संपन्न झाला या थेट प्रक्षेपणाच्या कार्यक्रमात कृषि विभाग परभणी चे अधिकारी उपस्थित होते.

पीएम किसान सन्मान निधीच्या कार्यक्रम मूळतः भागलपूर, बिहार येथे आयोजित करण्यात आला होता. या प्रसंगी माननीय पंतप्रधान नरेंद्र मोदी यांनी आपल्या भाषणात शेतकऱ्यांच्या कल्याणासाठी सरकारच्या वचनबद्धतेवर भर दिला. त्यांनी शेतीतील आधुनिक तंत्रज्ञानाचा अवलंब आणि उत्पादन वाढवण्याच्या मुद्यावर संबोधीत केले. यावेळी त्यांनी शेतकऱ्यांच्या बँक खात्यात थेट 2000 रुपये जमा करण्याची प्रक्रिया सुरू केली, ज्यामुळे शेतकऱ्यांना तात्काळ आर्थिक आधार मिळाला.

कृषी विज्ञान केंद्र परभणीने या प्रसंगी एका कृषी प्रदर्शनाचेही आयोजन केले. या प्रदर्शनात कृषी विभाग परभणी तर्फे आधुनिक शेती यंत्रे, बियाणे आणि खते यांचे स्टॉल लावले, तर इतर विभागांनी शासकीय योजनांची माहिती देणारे स्टॉल उभारले. प्रगतिशील शेतकऱ्यांनीही आपल्या यशस्वी प्रयोगांचे प्रदर्शन केले. विशेषतः ‘उत्तम कापूस प्रकल्प’ आणि ‘विशेष कापूस प्रकल्प’ यांसारख्या स्टॉल्सद्वारे शेतकऱ्यांना कापूस शेतीतील नवीन तंत्रज्ञान आणि उत्पादनवाढीच्या पद्धतींबाबत माहिती देण्यात आली. प्रदर्शनात बीटी कापूस, पाणी व्यवस्थापन आणि कीडनाशकांचा योग्य वापर यावरही चर्चा झाली. 

पीएम सन्मान निधीच्या थेट प्रक्षेपणात कृषि विज्ञान केंद्र, परभणी तसेच कृषी विभाग, परभणीच्या अधिकाऱ्यांनी शेतकऱ्यांना केंद्र शासन व राज्य शासनाच्या विविध योजनांची माहिती दिली.  या थेट प्रक्षेपणाला परभणी जिल्ह्यातील एकुण 372 शेतकरी आणि शेतकरी महिलांनी हजेरी लावली......