🌟"अरे तुम्ही मला मते दिली म्हणजे माझे मालक नाही झालात. मला सालगडी केलंय का ? - उपमुख्यमंत्री अजित पवार

🌟उपमुख्यमंत्री अजित पवार यांनी व्यक्त केला कार्यकर्त्यांवर संताप🌟

बारामती : बारामतीतील मेडद येथे बारामती तालुका खरेदी विक्री संघाच्या परिसरातील एका नवीन पेट्रोल पंपाचे उद्घाटन करण्यास आलेल्या उपमुख्यमंत्री अजित पवार यांनी कार्यकर्त्यांना उद्देशून "अरे तुम्ही मला मते दिली म्हणजे माझे मालक नाही झालात का मला सालगडी केलंय का ?" अशा शब्दांत संताप व्यक्त करीत खडे बोल सुनावल्याने एकच खळबळ उडाली.

बारामतीतील मेडद येथे बारामती तालुका खरेदी विक्री संघाच्या परिसरामधील एका नवीन पेट्रोल पंपाचे उद्घाटन त्यांच्या हस्ते पार पडले यावेळी बोलत असताना अजित पवार कार्यकर्त्यांवर संतापल्याचे पाहायला मिळाले.या कार्यक्रमात अजित पवार यांना नागरिकांकडून कामाच्या संदर्भातील निवेदन दिले जात होते. त्यानंतर अजित पवारही ते निवेदन घेत कामे मार्गी लावण्याच्या सूचना अधिकाऱ्यांना देत होते. मात्र, याचवेळी एका कार्यकर्त्याने अनेक कामे झाली नसल्याचे म्हटले. त्या कार्यकर्त्याच्या विधानानंतर अजून काही नागरिकांनीही त्याचीच री ओढली. त्यामुळे अजितदादा काहीसे संतापले आणि म्हणाले, तुम्ही मला मते दिली म्हणजे माझे मालक झालात का ?

दरम्यान, महायुती सरकारच्या हिवाळी अधिवेशनानंतर अजित पवार परदेश दौऱ्यावर गेले होते. आता परदेश दौऱ्यावरून आल्यानंतर अजित पवार रविवारी बारामतीच्या दौऱ्यावर होते. या दौऱ्यात त्यांनी मतदारसंघातील विविध विकासकामांचे उद्घाटन केले......