🌟बलात्कार प्रकरणात सजा भोगत असलेल्या आसाराम बापूला सर्वोच्च न्यायालयाकडून अंतरिम जामीन मंजूर.....!

🌟सर्वोच्च न्यायालयाने ८५ वर्षीय आसाराम बापूला सुटकेनंतर आपल्या अनुयायांना भेटू नये असे दिले निर्देश🌟

नवी दिल्ली :- बलात्कार प्रकरणात सजा भोगत असलेले स्वयंघोषित आध्यात्मिक गुरू आसाराम बापू संदर्भात एक महत्वपूर्ण बातमी समोर आली आहे.

बलात्कार प्रकरणात जन्मठेपेची शिक्षा भोगत असलेल्या आसाराम बापूला सर्वोच्च न्यायालयाने वैद्यकीय कारणास्तव ३१ मार्चपर्यंत अंतरिम जामीन मंजूर केला आहे. दरम्यान, सर्वोच्च न्यायालयाने ८५ वर्षीय आसाराम बापूला सुटकेनंतर आपल्या अनुयायांना भेटू नये, असे निर्देश दिले आहेत. बापूंवर सध्या जोधपूरच्या आरोग्य मेडिकल सेंटरमध्ये उपचार सुरू असून तो जोधपूर मध्यवर्ती कारागृहात शिक्षा भोगत आहेत. दरम्यान, आसारा बापूवर यापूर्वी ही उपचारसाठी खोपोलीत दाखल केलं होतं. खोपोलीतील एका आयुर्वेदिक रुग्णालयामध्ये त्याच्यावर उपचार सुरू होते. या दरम्यान चोख सुरक्षा व्यवस्थेत आसाराम बापूला खोपोलीत दाखल करण्यात आले होते. अल्पवयीन मुलीवरील बलात्कारप्रकरणी जन्मठेपेची शिक्षा भोगत असलेल्या आसाराम बापूला राजस्थान उच्च न्यायालयाने आता देखील दिलासा देत उपचार घेण्याची परवानगी दिली आहे. वैद्यकीय कारणासाठी आसारामला ३१ मार्चपर्यंत अंतरिम जामीन मंजूर केला आहे.....