🌟पुर्णेतील श्री गुरु बुद्धीस्वामी महाविद्यालयातील दोन स्वयंसेवकांची राष्ट्रीय एकात्मता देश पातळीवरील शिबिरास निवड..!

🌟कर्नाटक राज्यातील मैसूर येथील राष्ट्रीय एकात्मता शिबिरात निवड🌟             

पुर्णा :- पुर्णा शहरातील श्री गुरु बुद्धीस्वामी महाविद्यालय अंतर्गत राष्ट्रीय सेवा योजना विभागातील दोन स्वयंसेविकाची राष्ट्रीय एकात्मता शिबिर मैसूर (कर्नाटक) येथे  निवड झाली आहे.

श्री गुरु बुद्धीस्वामी महाविद्यालय अंतर्गत राष्ट्रीय सेवा योजना विभागातील दोन स्वयंसेविकाची कु. शुभांगी प्रसादप्रसाद काकडे व कु.पल्लवी गजानन काटकर,( B.SC.II Year ) दिनांक 16 ते 22 जानेवारी या कालावधीत राष्ट्रीय एकात्मता शिबिर (NIC ) एन. एस .एस .भवन सरस्वतीपुरम ,मैसूर बेंगलोर ,कर्नाटक येथे  सहभागी होत आहेत

      स्वामी रामानंद तीर्थ मराठवाडा विद्यापीठातून एनएसएसच्या एकूण दहा स्वयंसेवकांची निवड करण्यात आली होती ,त्यामध्ये पाच मुले व पाच मुली यापैकी महाविद्यालयातून दोन  स्वयंसेविका यांची या शिबिरा करिता निवड झाली. या सात दिवशी शिबिरामध्ये स्वयंसेवक  महाराष्ट्र राज्याचे  नेतृत्व सांस्कृतिक कार्यक्रमाच्या माध्यमातून सादरीकरण करतात. शिबिरामध्ये एकूण 10 राज्यातील 100 विद्यार्थी सहभागी होतात .प्रत्येक स्वयंसेवक हा आपल्या राज्यातील कला, संस्कृती, परंपरा ,भाषा ,पोशाख याबाबत सांस्कृतिक कार्यक्रमातून  माध्यमातून सादरीकरण करत असतात. त्याचबरोबर त्यांना हिंदी व इंग्रजी भाषेचे भाषेचे ज्ञान त्यांना उत्तम प्रकारे अवगत असते . महाराष्ट्र राज्यातील लोकांचा पोशाख , येथील भाषा, परंपरा आहे हे त्यांच्या कलेतून  एकदम उत्तम प्रकारे सादरीकरण करून महाराष्ट्र राज्याचे त्या ठिकाणी दर्शन घडवून आणतात. प्रत्येक राज्यातील स्वयंसेवक हा आपल्या राज्यातील कला,संस्कृती, तेथील पोशाख , परंपरा यांचे सादरीकरण करत असतात. या सात दिवशी शिबिरा दरम्यान प्रत्येक स्वयंसेवक एकमेकांसोबत संवाद साधून  वेगवेगळ्या राज्यातील पोशाख परिधान करून  सादरीकरण करतात. राष्ट्रीय एकात्मता शिबिरा दरम्यान सात दिवसांमध्ये त्यांच्या विचारातील देवाणघेवाण तेथील संस्कृती परंपरा ,कला याबाबत ओळख करून त्यांना इतर राज्यातील युवकांमध्ये वैचारिक पातळीवर समाविष्ट होऊन त्यांच्या जीवनासाठी व समाजासाठी खूप काही शिकण्यात येतं व उपयोगी असे विचार रुजले जातात . शासनाचे उद्दिष्ट  एकात्मता सहवासातून निर्माण व्हावी या उद्देशाने राष्ट्रीय एकात्मता शिबिराचे आयोजन करण्यात येते.      

           या निवडीबद्दल   संस्थेचे कार्याध्यक्ष प्रमोद एकलारे, सचिव अमृतराज कदम कोषाध्यक्ष उत्तमराव कदम, सहसचिव गोविदराव कदम तसेच  महाविद्यालयाचे प्राचार्य डॉ.के. राजकुमार, उपप्राचार्य डॉ शिवसांब कापसे यांनी अभिनंदन केले आहे . राष्ट्रीय सेवा योजना विभागाच्या कार्यक्रम अधिकारी डॉ. पुष्पा गंगासागर ,डॉ. अजय कुर्रे यांचे विद्यार्थ्यांना मार्गदर्शन लाभले आहे