🌟सरपंच संतोष देशमुख यांना न्याय हवाय की केवळ माझा राजीनामा – मंत्री धनंजय मुंडे

 

🌟माझा राजीनामा घेण्यासाठी राजकारण सुरू आहे असा आरोप देखील मंत्री धनंजय मुंडे यांनी केला🌟

बीड : बिड जिल्ह्यातल्या केज तालुक्यातील मस्साजोगचे सरपंच संतोष देशमुख यांना न्याय देणे महत्त्वाचे आहे की आपला राजीनामा महत्त्वाचा आहे ? असा प्रतिप्रश्न राज्याचे अन्न आणि नागरी पुरवठा मंत्री धनंजय मुंडे यांनी काल शुक्रवार दि.३१ जानेवारी रोजी उपस्थित केला भगवान गडाचे महंत नामदेव शास्त्री यांनी मंत्री धनंजय मुंडे यांना पाठिंबा दर्शवल्याने मंत्री मुंडे यांना बळ प्राप्त झाल्याचे बोलले जात आहे.

सरपंच संतोष देशमुख यांच्या निर्घृण हत्येमागे मंत्री मुंडे यांचे निकटवर्तीय वाल्मिक कराड यांचा हात असल्याचा आरोप गेल्या अनेक दिवसांपासून सत्ताधारी पक्षातील काही नेत्यांसह विरोधकांकडूनही केला जात आहे याच मुद्द्यावरून धनंजय मुंडे यांनी देखील सातत्याने लक्ष केले जात असून मंत्री धनंजय मुंडे यांच्या राजीनाम्याची मागणीही केली जात आहे याच बाबत उपमुख्यमंत्री अजित पवार व मुख्यमंत्री देवेंद्र फडणवीस यांनी याबाबत भूमिका स्पष्ट केली आहे. जिथे तथ्य असेल तिथे संबंधितांवर कारवाई केली जाईल, पण जिथे तथ्य नसेल तिथे कारवाईचा प्रश्न येत नाही असे अजित पवार म्हणाले होते.
मुख्यमंत्री देवेंद्र फडणवीस यांनी अजित पवार यांची भूमिका हीच आपली अधिकृत भूमिका असल्याचे सांगितले होते. या सर्व पार्श्वभूमीवर धनंजय मुंडे यांनी माध्यमांशी संवाद साधत आपली भूमिकाही मांडली गेल्या ५३ दिवसांपासून माझ्यावर संकट आहे सोशल मीडियातून टार्गेट करून मीडिया ट्रायल सुरू आहे सरपंच संतोष देशमुख यांची हत्या झाली त्यातील आरोपींना फाशी द्या.फास्ट ट्रॅकवर केस आणा.जे कोणी सापडेल त्याला शासन झाले पाहिजे. ही पहिल्या दिवसापासूनची भूमिका आहे पण काही लोक त्यावरून राजकारण करत आहेत फक्त माझा राजीनामा घेण्यासाठी राजकारण सुरू आहे असा आरोप मुंडे यांनी केला.

धनंजय मुंडे यांनी भगवान गडावर जाऊन महंत नामदेव शास्त्री यांची भेट घेतली. मी अनेक वर्षांनंतर या ठिकाणी मुक्कामी आलो. मला बाबांचे दर्शन घ्यायचे होते. मंत्री झाल्यावर भगवान गडावर आलो नव्हतो. काल रात्रीच आलो. दर्शन आणि पूजा झाली. आता दर्शन घेऊन मी मुंबईला जाणार आहे. बाबांनी मुलाखतीत सांगितले की, हा गड माझ्यासारख्या सामान्य कार्यकर्त्याच्या पाठीशी उभा आहे. याच्यासारखी ताकद, विश्वास माझ्या मागे राहणे ही मोठी जबाबदारी आहे. हा गड गरीबातल्या गरीब माणसाच्या एक एक रुपयातून मोठा झाला आहे. म्हणूनच भगवान बाबांना ऐश्वर्यसंपन्न म्हटले जाते आज हा गड माझ्यापाठी उभा आहे. ही माझ्यासाठी 5

मोठी शक्ती आहे. या शक्तीचे वर्णन शब्दात सांगू शकत नाही. शक्ती उभी केली तेवढी जबाबदारीही आली आहे असे ते म्हणाले........