🌟पुर्णेत विद्युत चोरी रोखण्यासाठी एरियल बंच केबल अंथरण्याची भुमिका अभिनंदनास्पद परंतु सुरुवात ३३ केव्ही पासून करावी...!

🌟सामाजिक कार्यकर्ते किशोर सुर्यवंशी यांची मागणी : महावितरण अधिकारी रामगीरवार यांच्या भुमिकेचा नागरिकांनी गांधीगिरीतून केला विरोध🌟 

पुर्णा (दि.१८ जानेवारी २०२५) - पुर्णा शहरातील विविध भागांमध्ये आकड्यांद्वारे होणारी विजचोरी रोखण्यासाठी महावितरण महाराष्ट्र राज्य विद्युत वितरण कंपनीच्या अधिकाऱ्यांनी शहरात विद्युत खांबावरील पुर्वीच्या खुल्या विद्युत प्रवाह वाहिन्यांच्या जागेवर एरियल बंच केबल अंथरण्याची प्रक्रियेला सुरुवात केली असून याचाच एक भाग म्हणून पुर्णा तालुका महाराष्ट्र राज्य विद्युत वितरण कंपनीचे कार्यकारी अभियंता श्री.अविनाश रामगीरवार हे आज शनिवार दि.१८ जानेवारी रोजी सकाळी ११.०० वाजेच्या सुमारास शहरातील कोळीवाडा परिसरात 'एरियल बंच केबल' अंथरण्याच्या कामासाठी गेले असता परिसरातील नागरिकांनी 'एरियल बंच केबल' अंथरण्यासाठी आदीवासी कोळी समाज बहुल गोरगरीब रोजमजूर परिसरचं का ? असा प्रश्न उपस्थित केला.

यावेळी आदीवासी कोळी समाजातील सामाजिक कार्यकर्ते तथा संजय गांधी निराधार योजनेचे सदस्य किशोर सुर्यवंशी यांनी उपकार्यकारी अभियंता अविनाश रामगीरवार यांनी आकड्यांच्या माध्यमातून होणारी विद्युत चोरी रोखण्याच्या घेतलेल्या भुमिकेचे स्वागत केले परंतु यावेळी त्यांनी उपकार्यकारी अभियंता रामगीरवार यांना असेही म्हटले की आकड्यांद्वारे होणारी विजचोरी रोखायचीच असेल तर 'एरियल बंच केबल' अंथरण्याची प्रक्रिया प्रथमतः ३३ केव्ही केंद्रापासून करावी 'एरियल बंच केबल' अंथरण्याची प्रक्रियेला आदीवासी कोळी समाज बहुल वसाहतीचीच निवड का ? असा प्रश्न उपस्थित करीत या विरोधात त्यांनी गांधीगिरी आंदोलन करीत उपकार्यकारी अभियंता रामगीरवार यांना पुष्पहार घालून त्यांचे स्वागत केले यावेळी सुर्यवंशी म्हणाले की आपण संपूर्ण शहरात एरियल बंच केबल अंथरावे त्यानंतर शेवटी कोळीवाडा परिसरात या कामाची सुरुवात करावी आम्ही आपले स्वागत करु व आपणास सर्वतोपरी सहकार्य करु असेही ते यावेळी उपकार्यकारी अभियंता रामगीरवार यांच्याशी बोलताना म्हणाले.

 यावेळी परिसरातील महिला व नागरिकांनी एकत्रित होऊन एरियल बंच केबल अंथरण्यास तिव्र विरोध केला यावेळी उपकार्यकारी अभियंता अविनाश रामगीरवार यांच्याशी बोलतांना सामाजिक कार्यकर्ते किशोर सुर्यवंशी म्हणाले की आपण की 'एरियल बंच केबल' अंथरण्याची सुरुवात आपण प्रथमतः कोणाच्या सांगण्यावरून कोळीवाडा येथूनच करीत असाल तर  हे सरासरी चुकीचे आहे यावेळी कोळीवाडा परिसरात मोठ्या संख्येने जमलेल्या महिला व नागरिकांनी महाराष्ट्र राज्य विद्युत वितरण कंपनीच्या अधिकाऱ्यांना धारेवर धरले संपूर्ण पुर्णा शहर सोडून शेवटच्या टोकावरील पुर्णा-गोदावरी नदीच्या काठावरील आदीवासी कोळी समाज बहूल परिसरातून एरियल बंच केबल अंथरण्याच्या कामाची सुरुवात काय म्हणून करण्यात येत आहे ? असा प्रश्न यावेळी परिसरातील नागरिकांनी महाराष्ट्र राज्य विद्युत वितरण कंपनीच्या अधिकारी/कर्मचाऱ्यांना केला या प्रश्नाचे उत्तर देण्यास मात्र यावेळी अधिकारी असमर्थ असल्याचे पाहावयास मिळाले सामाजिक कार्यकर्ते किशोर सूर्यवंशी व तसेच परिसरातील असंख्य नागरिक व महिलांनी यावेळी एरियल बंच केबल अंथरण्याच्या कामाला विरोध दर्शवत ३३ केव्ही पासून कामाला सुरुवात करावी अशी देखील जोरदार मागणी केली......