🌟भ्रष्ट गुत्तेदार म्हणतात 'दाम करी काम' मुख्याधिकारी/नगर अभियंता करतो आम्हाला त्रिवार झुकून सलाम🌟
पुर्णा (विशेष वृत्त) :- महाराष्ट्र राज्यातील मुख्यमंत्री नगर विकासमंत्री नगर विकास मंत्रालयातील वरिष्ठ अधिकारी यांच्याशी आर्थिक/भावनिक/राजनितीक हितसंबंध जोपासत वेळप्रसंगी पक्षांतर नाट्य रंगवत कोट्यवधी रुपयांची विकासनिधी रुपी खिरापत पदरात पाडून त्या खिरापतीच्या बळावर धनदांडग होण्याची 'असुरी अपेक्षा' बाळगून शहराच्या सर्वांगीण विकासाच्या नावाखाली शासकीय विकासनिधीची अतिरेकी उधळण प्रशासकांच्या प्रशासकशाहीत देखील सोईस्कर रित्या होत असतांना राज्यातील नव्यानेच सत्तेत आलेले मुख्यमंत्री देवेंद्र फडणवीस यांच्या नेतृत्वाखालील महायुती सरकार विकासाच्या नावाखाली निकृष्ट बोगस विकासकाम करुन शासकीय विकासनिधीची अक्षरशः मुक्तहस्ते उधळण करणाऱ्या लबाड लांडग्यांना लगाम लावेल काय ? असा प्रश्न पुर्णा शहरातील नागरिकांमध्ये उपस्थित होत आहे.
पुर्णा शहरातील अनेक जुन्या वसाहतींमध्ये एखादं दोन घरं/जनावरांचे गोठे असलेल्या नवीन कपोलकल्पित वसाहतींच्या विकासाच्या नावावर तर काही ठिकाणी पुर्वी वर्ष/दोन वर्षांपूर्वी नव्यानेच झालेल्या विकास कामांवर कामाचे नाव बदलून अत्यंत निकृष्ट व बोगस सिमेंट रोड/सिमेंट नाल्या/बोगस पाणीपुरवठा पाईप लाईन दाखवून कोट्यवधी रुपयांचा विकासनिधीची भ्रष्ट गुत्तेदार/बेईमान आजी/माजी/भावी लोकप्रतिनिधी अक्षरशः लुटमार करीत असतांना पुर्णा नगर परिषदेचे प्रशासक जिवराज डापकर मुख्याधिकारी उत्कर्ष गुट्टे नगर अभियंता अब्दुल हकीम गांधीजींच्या तीन माकडांप्रमाणे बुरा मत कहों.....बुरा मत सुनों......बुरा मत देखों.....या तीन सुत्रांचे अनुकरण तर करीत नाही ना ? असा प्रश्न सातत्याने पुर्णेकरांमध्ये उपस्थित होत आहे.
पुर्णा शहरातील मस्तानपुरा/मस्तानपुरा नवी आबादी,अजिज नगर,सम्राट अशोक नगर,पंचशिल नगर,क्रांतीनगर आदींसह प्रभागानुसार प्रभाग क्रमांक ०१,प्रभाग क्रमांक ०६ प्रभाग क्रमांक ०७,प्रभाग क्रमांक ०८, प्रभाग क्रमांक ०९,प्रभाग क्रमांक १० आदी प्रभागांमध्ये राज्यातील विधानसभा निवडणुकीपूर्वी तत्कालीन मुख्यमंत्री एकनाथ शिंदे यांच्या काळात पक्षांतर नाट्य रंगवून तत्कालीन सत्ताधारी शिवसेना (शिंदे) गटाशी जवळीक निर्माण करीत कोट्यवधी रुपयांचा विकासनिधी पदरात पाडून या पदरात पाडून घेतलेल्या जवळपास पंधरा ते वीस कोटी रुपयांच्या विकासनिधीतून अत्यंत निकृष्ट व बोगस विकासकामांचा सपाटा सुरू असतांना या भ्रष्ट बेईमान बेबंदशाहीला प्रशासक जिवराज डापकर मुख्याधिकारी उत्कर्ष गुट्टे नगर अभियंता अब्दुल हकीम,ओएस मुत्तजीब खान यांची उघड संमती असल्याने कोट्यवधी रुपयांची अक्षरशः उधळण होतांना पाहावयास मिळत असून विधानसभा निवडणुकीपूर्वी देखील शहरातील विविध प्रभागांमध्ये जवळपास तीस ते पस्तीस कोटी रुपयांच्या शासकीय विकासनिधीतून निकृष्ट व बोगस व अदृष्य विकासकाम करण्यात आली या विकासकामांची जवळपास तीस टक्के रक्कम अद्यापही संबंधित भ्रष्ट बेईमान गुत्तेदारांना अद्यापही अदा करण्यात आलेली नाही त्यातच पुन्हा शहरातील विविध प्रभागांमध्ये पंधरा ते वीस कोटी रुपयांची निकृष्ट व बोगस विकासकाम अत्यंत सोईस्कर रित्या सर्वसंमतीने सुरू असल्याचे पाहावयास मिळत आहे.
पुर्णा शहरातील मस्तानपुरा मस्तानपुरा नवी आबादी परिसरात अवघ्या वर्षभरापूर्वी कोट्यवधी रुपयांच्या शासकीय विकासनिधीतून निर्माण करण्यात आलेल्या सिमेंट रस्त्यांवर खोदाखोद करुन बेकायदेशीररित्या पाणीपुरवठा पाईप लाईन करण्यात येत असल्याचा तसेच अवघ्या एक/दिड वर्षांपूर्वी निर्माण केलेल्या सिमेंट रोड/सिमेंट नाल्यांच्या कामांना नवीन नाव देऊन 'अनोखी शक्कल लढवा शासकीय विकासनिधी जिरवा' हा उपक्रम भ्रष्ट गुत्तेदार बेईमान आजी/माजी/भावी लोकप्रतिनिधी भ्रष्ट बेईमान नौकरशाहांकडून सोईस्करपणे राबवला जात असल्याने आता जिल्हाधिकारी रघुनाथ गावडे यांनी या सर्व निकृष्ट व बोगस विकासकामांची सखोल चौकशी करून संबंधित भ्रष्ट गुत्तेदारांचा काळ्या यादीत समावेश करुन यास सर्वस्वी जबाबदार असलेल्या अधिकाऱ्यांवर देखील कायदेशीर कारवाई करावी अशी मागणी होत आहे.........
0 टिप्पण्या