🌟सरपंच संतोष देशमुख हत्याकांडाचा तपास करणारे एसआयटी अधिकारी आष्टीचे जावाई : आमदार सुरेश धस यांचे निकटवर्तीय ?

 

🌟मंजिली वाल्मीक कराडांच्या आरोपाने एसआयटी खळबळ🌟

बिड :- आवादा पवनचक्की खंडणी प्रकरणातील आरोपी वाल्मीक कराड याची काल दि.१४ जानेवारी २०२५ रोजी पोलीस कोठडी संपल्यानंतर आरोपी वाल्मीक कराडला कोर्टात हजर केले, कोर्टाने वाल्मीक कराडला १४ दिवसांची न्यायालयीन कोठडी सुनावली तर कराड याच्याविरोधात मकोका अंतर्गत गुन्हा दाखल करण्याची प्रक्रिया सुरू केल्याचे पोलिसांनी सांगितले या विरोधात कराड समर्थक आक्रमक झाले होते यावेळी वाल्मीक कराड याच्या पत्नीने आष्टी विधानसभा मतदारसंघाचे आमदार सुरेश धस बिड लोकसभा मतदारसंघाचे खासदार बजरंग सोनवणे यांच्यावर गंभीर आरोप केले. 

वाल्मीक कराड याची पत्नी मंजिली वाल्मीक कराड यांनी आमदार सुरेश धस व खासदार बजरंग सोनवणे यांच्यावर गंभीर आरोप केले आहेत. वाल्मीक कराड यांच्यावर लावण्यात आलेला मकोका हा चुकीच्या पद्धतीने लावण्यात आला असून देशमुख हत्येशी संबंध नसल्याचा दावा करण्यात आला खा.बजरंग सोनवणे यांनी आपल्या पतीला जीव मारण्याची धमकी दिली असल्याचा आरोपही त्यांनी केला नवीन एसआयटीचे प्रमुख बसवराज तेली हे आष्टीचे जावई असून ते सुरेश धस यांच्या जवळचे असल्याचा दावाही त्यांनी केला.

या सर्वांनी मिळून अल्पसंख्यांक असलेल्या वंजारी समाजाच्या दोन्ही मंत्र्यांना संपवण्यासाठी वाल्मिक कराड यांना बळीचा बकरा केला जात असल्याचा आरोप मंजिली कराड यांनी केला. आज परळीमध्ये वाल्मीक कराड समर्थकांनी आंदोलन केले. पोलिस ठाण्यासमोर कराड याची मातोश्री उपस्थित होत्या, यावेळी त्यांची तब्येत बिघडली.

यावेळी बोलताना मंजिली कराड म्हणाल्या, ही घटना घडली तेव्हा वाल्मीक कराड परळीत नव्हते. त्यामुळे त्यांचा या प्रकरणाशी काहीही संबंध नाही, बजरंग सोनवणे यांनी माझ्या पतीला जीवे मारण्याची धमकी दिली. बजरंग जोनवणे यांना निवडून आणण्यासाठी माझ्या पतीने मदत केली, असंही मंजिली कराड म्हणाल्या.

सरपंच संतोष देशमुख यांच्या हत्या प्रकरणातील आठ आरोपींवर मकोका कायद्यांतर्गत यापूर्वीच गुन्हा दाखल करण्यात आला आहे. मात्र त्यावेळी कराड याला या गुन्ह्यात घेण्यात आले नव्हतं. त्यानंतर दिवंगत संतोष देशमुख यांच्या कुटुंबीयांसह मस्साजोगच्या ग्रामस्थांनी संताप व्यक्त करत वाल्मीक कराड हाच गुन्ह्याचा सूत्रधार असून त्याच्यावर मकोका कायद्यासह हत्येच्या प्रकरणातही गुन्हा दाखल करावा, अशी मागणी देशमुख कुटुंबाकडून करण्यात आली होती. त्यानंतर आता पोलिसांकडून कराडवर मकोका लावण्याच्या हालचाली सुरू झाल्या आहेत........