🌟मस्साजोगचे सरपंच देशमुख हत्या प्रकरणाचा तपास आता अप्पर पोलीस अधिक्षक किरण पाटलांकडे...!

 

🌟अप्पर पोलीस अधीक्षक किरण पाटील हे करणार आता या प्रकरणाचा तपास🌟

बिड :- बिड जिल्ह्यातल्या केज तालुक्यातील मस्साजोगचे सरपंच संतोष देशमुख यांच्या निर्घृण हत्याकांड प्रकरणात दररोज नवनवी माहिती समोर येत आहे सरपंच देशमुख यांच्या हत्येप्रकरणी आरोपींवर कठोर कारवाई करण्याची यासाठी ग्रामस्थांनी आक्रमक पवित्रा घेतला आहे. 

राज्यात अनेक ठिकाणी आंदोलनं आणि निषेध मोर्चे काढले जात आहे. अशात आता संतोष देशमुख हत्या प्रकरणात नवीन माहिती समोर आली असून या प्रकरणातील तपास अधिकारी बदलण्यात आला आहे संतोष देशमुख हत्या प्रकरणी वाल्मीक कराडवर महाराष्ट्र संघटीत गुन्हेगारी कायदा अर्थात मकोका लागताच सीआयडी मध्ये मोठा बदल करण्यात आला आहे प्रशासनाकडून तपास अधिकारी बदलण्यात आला आहे या प्रकरणाचा तपास सध्या सीआयडीचे उपअधीक्षक अनिल गुजर करीत होते मात्र आता त्यांच्या जागी अपर पोलीस अधीक्षक किरण पाटील याची तपास अधिकारी म्हणून नेमणूक करण्यात आल्याचे वृत्त समोर आले असून अप्पर पोलीस अधीक्षक किरण पाटील हे या प्रकरणाचा तपास करणार आहेत.......