🌟आदर्श तालुका पत्रकार व जिल्हा पत्रकार पुरस्कार समारंभ निमित्ताने पुणे ते सेलू पत्रकार एकता रॅलीचे आयोजन.....!

🌟पत्रकार एकता रॅली काढण्यात येणार असल्याची माहिती एस.एम देशमुख यांनी दिली🌟

मुंबई :- परभणी जिल्ह्यातील सेलू येथे दि.01 फेब्रुवारी 2025 रोजी आदर्श तालुका आणि जिल्हा पत्रकार संघ पुरस्कार वितरण सोहळा आणि तालुका अध्यक्षांचा मेळावा संपन्न होत आहे.. या मेळाव्याच्या निमित्तानं पुणे ते सेलू अशी पत्रकार एकता रँली काढण्यात येणार असल्याची माहिती एस. एम देशमुख यांनी दिली.. 

31 जानेवारी रोजी सकाळी 8 वाजता पुणे येथून रँलीला सुरूवात होईल.. रँली शिक्रापूर, शिरूर, नगर, जामखेड, कडा, आष्टी, पाटोदा फाटा, बीड, वडवणी, तेलगाव, माजलगाव, पाथरी मार्गे रात्री 8 वाजेपर्यंत सेलू येथे पोहोचेल.. पुणे ते सेलू हे अंतर अंदाजे 350 किलो मिटर एवढे आहे.. पुणे येथून रँली निघाल्यानंतर मार्गावरील तालुका संघांनी गावातील प्रमुख व्यक्ती सह रँलीचे स्वागत करावे अशी अपेक्षा आहे.. तसेच मार्गावरील पत्रकार संघांनी रँलीत सहभागी व्हावे असे आवाहन करण्यात येत आहे.. रँली मध्ये किमान 25 गाड्या असाव्यात आणि त्यावर परिषदेचे ध्वज तसेच चलो सेलू अशा मजकुराचे बँनर्स असावेत.. 

रँलीत मराठी पत्रकार परिषदेचे मुख्य विश्वस्त एस.एम.देशमुख, विश्वस्त किरण नाईक,  विश्वस्त शरद पाबळे, अध्यक्ष  मिलिंद अष्टीवकर, शिवराज काटकर, मन्सूरभाई शेख, संदीप कुलकर्णी, अनिल वाघमारे गणेश मोकाशी, रवी उबाळे आदि परिषदेचे पदाधिकारी सहभागी होतील..रँली सेलू येथे पोहोचल्यानंतर परिषदेचे सरचिटणीस प्रा.सुरेश नाईकवाडे, सेलू तालुका अध्यक्ष लक्ष्मण बागल, श्री. इलियास आणि अन्य पदाधिकारी रँलीचे स्वागत करतील.          

✍️ मोहन चौकेकर