🌟पुर्णेत सिमेंट रस्त्याच्या कामासाठी तब्बल दोन कोटींचा विकासनिधी : दोन महिन्यांत झाला संपूर्ण रस्त्याचा अक्षरशः अंत्यविधी....!

🌟शहरातील पंचशिल नगरात २ महिन्यांपूर्वी झालेल्या सिमेंट रस्त्याची झाली धुळधाण ? मुख्याधिकारी/नगर अभियंता बेभान🌟 

पुर्णा (विशेष वृत्त) :- पुर्णा नगर परिषदेच्या माध्यमातून शहराच्या सर्वांगीण विकासासाठी पुर्व मुख्यमंत्री तथा विद्यमान उपमुख्यमंत्री एकनाथ शिंदे यांनी कोट्यावधी रुपयांचा विकासनिधी निती उपलब्ध करून दिला परंतु शासनाकडून प्राप्त झालेल्या विकासनिधीची पुर्व मुख्याधिकारी युवराज पौळ,नगर अभियंता अब्दुल हकीम यांच्या आर्थिक हितसंबंधातील कागदावरील भ्रष्ट गुत्तेदार व जनमतातून निवडून येऊन संपूर्ण शहराला अविकसित करुन स्वतःसह स्वतःच्या कुटुंबाच्या सर्वांगीण विकास साध्य करणाऱ्या खादीतील बेईमानांनी  शहरातील विविध प्रभागांच्या शेवटच्या टप्प्यापर्यंत निर्मनुष्य वसाहतींमध्ये देखील अत्यंत निकृष्ट सिमेंट रोड/सिमेंट नाल्याची निर्मिती करुन कोट्यवधी रुपयांच्या शासकीय विकास निधीची धुळधाण केली.

पुर्णा नगर परिषदेचे पुर्व मुख्याधिकारी युवराज पौळ यांच्या शेवटच्या दहा महिन्यांच्या कालावधीत निकृष्ट व बोगस कामांची मालिका चालवून जवळपास तीस ते पस्तीस कोटी रुपयांच्या शासकीय विकासनिधीची विल्हेवाट लावण्यात आली पुर्व मुख्याधिकारी पौळ यांच्या कार्यकाळात झालेली अनेक विकासकाम अल्पशा कालावधीत काही भागांत अदृश्य झाली तर काही भागांत त्या कामांची धुळवड उडाल्याचे निदर्शनास येत आहे पुर्व मुख्याधिकारी पौळ यांच्या बदलीनंतर कदाचित पुर्णा नगर परिषदेतील भ्रष्ट व अनागोंदी कारभारात सुधारणा होईल अशी अपेक्षा व्यक्त केली जात होती परंतु नुतन मुख्याधिकारी म्हणून उत्कर्ष गुट्टे यांनी पदभार स्वीकारल्यानंतर नगर परिषदेतील भ्रष्ट व अनागोंदी कारभाराचा प्रचंड उत्कर्षच झाल्याचे पाहावयास मिळत असून शहरातील मस्तानपुरा/मस्तानपुरा नवी आबादी,अजिज नगर,सम्राट अशोक नगर,पंचशिल नगर,क्रांतीनगर आदींसह प्रभागानुसार प्रभाग क्रमांक ०१,प्रभाग क्रमांक ०६ प्रभाग क्रमांक ०७,प्रभाग क्रमांक ०८, प्रभाग क्रमांक ०९,प्रभाग क्रमांक १० आदी प्रभागांमध्ये पुर्वीप्रमाणेच निकृष्ट व बोगस विकासकामांचा सपाटा सुरू असल्याचे पाहावयास मिळत आहे.

दुर्दैवाची बाब म्हणजे प्रभाग क्रमांक ०७ मधील पंचशिल नगर परिसरातील जवळपास दोन कोटी रुपयांच्या विकासनिधीतून बनवण्यात आलेल्या सिमेंट रोडची अवस्था अवघ्या दोन महिन्यांच्या कालावधीत एखाद्या शेतातील पांदन रस्त्यासारखी झाली असून या रस्त्यावरुन मार्गक्रमण करणाऱ्यांसह परिसरातील नागरिकांची अवस्था फुफाट्यात पडल्यागत होत सदरील सिमेंट रस्ता नगर परिषद प्रशासनाच्या भ्रष्ट बेबंदशाहीची उघड साक्ष देत आहे नर परिषदेतील भ्रष्ट बेईमानशाही स्वतःचे उखळ पांढरे करून घेण्यासाठी शहराच्या सर्वांगीण विकासासाठी आलेला कोट्यवधी रुपयांचा शासकीय विकासनिधी भ्रष्ट गुत्तेदार बेईमान लोकप्रतिनिधींच्या घशात घालण्याचा अघोरी प्रकार करीत असल्याने नागरिकांमध्ये संताप व्यक्त होत आहे.......

🌟पुर्णा नगर परिषदेतील अकार्यक्षम प्रशासकराज भ्रष्ट गुत्तेदार बेईमानांना निकृष्ट विकासकामांतून पैसे कमावण्याची खाज ?

🌟कोट्यवधी रुपयांच्या शासकीय विकासनिधीची उधळपट्टी भ्रष्ट नौकरशाह बनले 'कागदी गांधी दास'🌟 

पुर्णा नगर परिषदेतील अकार्यक्षम प्रशासकराज भ्रष्ट गुत्तेदार बेईमानांना निकृष्ट विकासकामांतून पैसे कमावण्याची खाज ? कोट्यवधी रुपयांच्या शासकीय विकासनिधीची उधळपट्टी भ्रष्ट नौकरशाह बनले 'कागदी गांधी दास' एकंदर अशी दयनीय परिस्थिती पुर्णा नगर परिषदेची झाली असून पुर्णा नगर परिषद प्रशासकीय अधिकारी मागील तीन वर्षांपासून कार्यरत असलेले उपविभागीय अधिकारी जिवराज डाफकर यांचे नगर परिषदेतील प्रशासकीय कारभाराकडे लक्ष नसल्यामुळे नगर परिषदेत भ्रष्ट बेबंदशाहीने धुमाकूळ माजवल्याचे निदर्शनास येत आहे त्यामुळे सर्वसामान्य नागरिकांना नागरी सुविधांपासून वंचित तर राहावे लागतच आहे त्याशिवाय नागरिकांची कामे देखील वेळेवर होत नसून संपूर्ण नगर परिषद अधिकारी/कर्मचाऱ्यांच्या सततच्या अनुपस्थितीमुळे ओस पडल्याचे पाहावयास मिळत आहे.

पुर्णा नगर परिषदेचे प्रशासकीय अधिकारी जिवराज डापकर यांनी पुर्णा नगर परिषदेला मागील वर्षी जानेवारी महिन्यात भेट दिली होती त्यानंतर त्यांनी आज बुधवार दि.२२ जानेवारी रोजी जवळपास वर्षभरानंतर पुर्णा नगर परिषदेला भेट दिली यावेळी नगर परिषदेत अनेक अधिकारी कर्मचारी अनुपस्थितीत असल्याचे यावेळी निदर्शनास आले नगर परिषदेत सातत्याने बोटावर मोजण्या इतक्या कर्मचाऱ्यांची उपस्थिती असते त्यामुळे अनेक नागरिकांची कामे खोळंबतात त्यामुळे पुर्णा नगर परिषदेवरील प्रशासक राज देखील आता अकार्यक्षम ठरत असल्याचे पाहावयास मिळत असून शहरातील निकृष्ट व बोगस विकासकामांवर कोट्यवधी रुपयांच्या शासकीय विकासनिधीची उधळपट्टी होत असल्याचे दिसून येत आहे.....