🌟राज्यातील नैसर्गिक आपत्तींमुळे बाधित झालेल्या शेतकऱ्यांना दिलासा....!

🌟राज्यातील साडेपाच लाख शेतकऱ्यांना ५३५ कोटींची भरपाई🌟

मुंबई :- राज्यातील नैसर्गिक आपत्तींमुळे बाधित झालेल्या शेतकऱ्यांना दिलासा देण्याच्या दृष्टीने राज्य शासनाने अखेर मदत देण्याचा निर्णय घेतला असून राज्यातील ५ लाख ३० हजार ४५ शेतकऱ्यांना ५३५ कोटी ६५ लाख ७४ हजार ८९३ रुपयांची मदत वितरित करण्यात आल्याची माहिती मदत व पुनर्वसन मंत्री मकरंद जाधव- पाटील यांनी आज दिली. गेल्या दोन वर्षांपासून ही भरपाई प्रलंबित होती.

राज्यात झालेल्या अतिवृष्टी आणि अवेळी पावसामुळे शेतकर्यांचे प्रचंड नुकसान झाले होते. पण निवडणूक आचारसंहिता व सरकार स्थापना, मंत्रिमंडळ विस्तार आणि खाते वाटप यामुळे शेतकरयांना मदत मिळत नव्हती. त्यामुळे शेतकऱ्यांमध्ये रोष निर्माण झाला होता. अखेर राज्य सरकारने शेतकऱ्यांना मदत जाहीर केली आहे. विविध नैसर्गिक आपत्तींमुळे बाधित झालेल्या शेती पीक नुकसानीपोटी मार्च २०२३ पासून ९ हजार ३०७ कोटी रुपये इतकी रक्कम डीबीटीद्वारे शेतकरयांच्या आधार संलग्न बँक खात्यांमध्ये थेट जमा करण्यात आली आहे.