🌟नवीन वर्षात रिझर्व्ह बँकेने बदलले नियम, आता एकाच वेळी अनेक पर्सनल लोन घेणे होणार अवघड.....!

🌟नव्या सूचनांची अंमलबजावणी करण्यासाठी 1 जानेवारीपर्यंतची मुदत🌟 

रिझर्व्ह बँक ऑफ इंडियाने (RBI) पर्सनल लोनचे नियम बदलले आहेत आणि ते पूर्वीपेक्षा अधिक कडक केले आहेत. यानंतर, नवीन वर्षात एकापेक्षा जास्त पर्सनल लोन घेऊ इच्छिणाऱ्या लोकांना आता लोन मिळण्यास अवघड होणार आहे. रिझर्व्ह बँकेने ऑगस्टमध्ये दिलेल्या नव्या सूचनांची अंमलबजावणी करण्यासाठी 1 जानेवारीपर्यंतची मुदत देण्यात आली होती ही मुदत आता संपली आहे.

💫RBI ने काय बदल केले ?

अहवालानुसार, नवीन नियमाअंतर्गत, कर्ज देणाऱ्या संस्थाना आता दर 15 दिवसांनी कर्जदारांच्या खात्याचा अहवाल क्रेडिट ब्युरोला द्यावा लागेल. याआधी तो एक महिन्याच्या अंतराने द्यावा लागत होता. त्यामुळे कर्जदारांना कर्ज घेणे पहिल्या सारखे सोपे असणार नाही. कर्ज घेण्यासाठी अनेक टप्प्यांमध्ये कर्जदाराची छाननी केली जाईल. ज्यामुळे एकाच वेळी अनेक कर्ज घेण्याची शक्यता कमी होईल.

अनावश्यक कर्ज घेणे थांबवणे हाही त्याचा उद्देश आहे. यापूर्वी, कर्जदारांचे क्रेडिट रेकॉर्ड 15 दिवसांऐवजी महिन्यातून एकदा रिझर्व्ह बँकेकडे जमा करावे लागत होते. रिझर्व्ह बँकेच्या कडक नियमांमुळे अनेक ठिकाणांहून पर्सनल लोन घेण्याची सवय नवीन वर्षात बऱ्याच अंशी आटोक्यात येईल.रिझर्व्ह बँकेने कमी कालावधीत क्रेडिट रेकॉर्ड तपासल्याने कर्ज देणाऱ्या एजन्सींची कर्जदारांना कर्ज देताना याचा उपयोग होईल तसेच कर्जदाराची सर्व माहिती त्यांच्याकडे असेल. रिझर्व्ह बँकेने ऑगस्टमध्येच हा आदेश जारी केला होता आणि 1 जानेवारी 2025पासून त्याची अंमलबजावणी करण्यास सांगितले होते......

 ✍️ मोहन चौकेकर