🌟मुंबई महापालिकेच्या आगामी निवडणुकीच्या पार्श्वभूमीवर शिवसेना उबाठा पक्षाची जोरदार तयारी...!

🌟शिवसेना (उबाठा) पक्षप्रमुख उध्दव ठाकरेंकडून विधानसभा मतदार संघाचा आढावा🌟

मुंबई :- राज्याची राजधानी व देशाची आर्थिक राजधानी म्हणून ओळखल्या जाणाऱ्या मुंबईतील आगामी मुंबई महापालिका निवडणुकीसाठी शिवसेना (उबाठा) पक्षाने जोरदार तयारी सुरू केली आहे.

शिवसेना (उबाठा) पक्षप्रमुख उद्धव ठाकरे यांच्याकडे मुंबईतील ३६ विधानसभा मतदारसंघातील पक्ष निरीक्षकांनी आपला अहवाल सादर केला होता. त्यातील १६ मतदारसंघांचा आढावा ठाकरे यांनी घेतला असून, उर्वरित २० मतदारसंघाचा दि. ७ ते ९ जानेवारी असे तीन दिवस आढावा घेणार आहेत, अशी माहिती उद्धवसेनेच्या सूत्रांनी दिली आहे. पक्ष निरीक्षकांनी गटप्रमुख, शाखाप्रमुख यांच्याशी चर्चा करून त्याचा अहवाल उद्धव ठाकरे यांच्याकडे दिला होता. ठाकरे यांनी दि. २६ आणि २७ डिसेंबर या दोन दिवसांत १६ विधानसभा पक्ष निरीक्षक, विभागप्रमुख यांच्यासोबत चर्चा करून शिवसैनिकांचे म्हणणे जाणून घेतले होते. मात्र, काही कारणास्तव पुढील बैठका रद्द करण्यात आल्या होत्या. त्यामुळे आता २० मतदारसंघांच्या निरीक्षकांसोबत ठाकरे चर्चा करणार आहेत, असे सूत्रांनी सांगितले.......