🌟धनबादमध्ये इंडियन रिपोर्टर्स असोसिएशन इंटरनॅशनल तर्फ प्रदेशाध्यक्ष मदन (बापु) कोल्हे यांचेसह पदाधिकाऱ्यांचा सन्मान...!

🌟संघटनेच्या बळकटीसाठी आणि भविष्यातील रणनीतीवर चर्चा🌟

धनबाद : पत्रकारिता आणि सामाजिक सेवेमध्ये उल्लेखनीय योगदान देणारे ,महाराष्ट्रातील जेष्ठ पत्रकार तथा प्रदेशाध्यक्ष मदन( बापु) कोल्हे यांचेसह ' इरा ' च्या पदाधिकाऱ्यांना, इंडियन रिपोर्टर्स असोसिएशन इंटरनॅशनल नवी दिल्ली तर्फे झारखंडमधील धनबाद येथे झालेल्या भव्य सत्कार सोहळ्यामध्ये सन्मानित करण्यात आले.दि.18 जानेवारी रोजी झलेल्या या कार्यक्रमात उपस्थित  सर्व पदाधिकाऱ्यांचा शाल, श्रीफळ आणि सन्मानपत्र देऊन गौरव केला  आहे.

या सन्मान सोहळ्यात इंडियन रिपोर्टर्स असोसिएशन इंटरनॅशनल चे राष्ट्रीय कार्याध्यक्ष एम. अली आणि राष्ट्रीय महासचिव मोहम्मद जहांगीर यांच्या हस्ते महाराष्ट्राच्या वरिष्ठ पदाधिकाऱ्यांचा सत्कार करण्यात आला. या वेळी महाराष्ट्र प्रदेश अध्यक्ष मदन (बापू) कोल्हे, महाराष्ट्र मीडिया प्रमुख देवानंद शंकरराव वाकळे, संपादक वैभवज्वाला, महाराष्ट्र सचिव संतोष शिंदे, संपादक भावनगरी, महाराष्ट्र कार्यकारिणी सदस्य सुदाम गांधारे आणि मराठवाडा अध्यक्ष राजकुमार एंगडे यांच्यासह अनेक मान्यवर उपस्थित होते.

💫माजी अध्यक्ष संजयकुमार कोटेचा यांना श्रद्धांजली :-

कार्यक्रमाची सुरुवात महाराष्ट्राचे दिवंगत माजी अध्यक्ष संजयकुमार कोटेचा यांना श्रद्धांजली अर्पण करून त्यांच्या उत्कृष्ट कार्यांची आठवण करण्यात आली. त्यांच्या योगदानाला संघटनेसाठी एक प्रेरणा मानून सर्व पदाधिकाऱ्यांनी त्यांच्याप्रती श्रद्धांजली अर्पण केली.

💫संघटनेच्या बळकटीसाठी आणि भविष्यातील रणनीतीवर चर्चा :-

या वेळी राष्ट्रीय कार्याध्यक्ष आणि महासचिव यांनी महाराष्ट्रातील संघटनेच्या कार्याचा आढावा घेतला व आगामी धोरणांवर चर्चा केली. त्यांनी स्पष्ट केले की संघटना पत्रकारांच्या हक्कांचे रक्षण करण्यासाठी आणि समाजाच्या कल्याणासाठी सातत्याने कार्यरत आहे.

💫राष्ट्रीय महासचिव मोहम्मद जहांगीर यांचा प्रेरणादायी संदेश :-

राष्ट्रीय महासचिव मोहम्मद जहांगीर यांनी या प्रसंगी  बोलताना सांगितले की,"इंडियन रिपोर्टर्स असोसिएशन इंटरनॅशनल ,पत्रकारांच्या हक्कांचे संरक्षण करण्यासाठीच नाही, तर खरी आणि निष्पक्ष पत्रकारिता प्रोत्साहित करण्यासाठीही कार्यरत आहे. आम्ही आमच्या सदस्यांना संघटित करून त्यांच्या हक्कांचे रक्षण करण्यासाठी, पत्रकारितेच्या आदर्शांना बळकट करण्यासाठी आणि सत्याचा आवाज बुलंद करण्यासाठी कटिबद्ध आहोत. जोपर्यंत पत्रकार सुरक्षित नाहीत, तोपर्यंत लोकशाही मजबूत होऊ शकत नाही. त्यामुळे आपल्याला एकजुटीने आपली जबाबदारी पार पाडावी लागेल आणि समाज सशक्त करण्यासाठी आपली भूमिका बजावावी लागेल."

💫इंडियन रिपोर्टर्स असोसिएशन इंटरनॅशनलची भूमिका आणि भविष्यातील योजना :-

इंडियन रिपोर्टर्स असोसिएशन इंटरनॅशनल पत्रकारांच्या हक्कांसाठी कार्यरत असण्यासोबतच समाजामध्ये जनजागृती करण्यासाठी आणि विविध सामाजिक प्रश्नांवर महत्त्वाची भूमिका बजावण्यासाठी कार्यरत आहे. संघटनेने जाहीर केले की येत्या काळात विविध राज्यांमध्ये पत्रकारांच्या हितासाठी विशेष कार्यक्रमांचे आयोजन केले जाणार आहे.दिगज् मान्यवरांच्या उपस्थितीतील

या भव्य सोहळ्यात पत्रकार आणि पदाधिकाऱ्यांनी संघटनेच्या बळकटीसाठी आणि पत्रकारांच्या हक्कांसाठी विस्तृत चर्चा केली. या सन्मान सोहळ्याने महाराष्ट्रातील पत्रकारांना नवीन ऊर्जा आणि प्रेरणा दिली असुन पत्रकारांमध्ये उत्साह वाढवल्याने ते आपल्या कार्यक्षेत्रात अधिक प्रभावीपणे कार्य करू शकतील.

इंडियन रिपोर्टर्स असोसिएशन इंटरनॅशनल पत्रकारांसाठी एक मजबूत मंच म्हणून उदयास आले आहे, जो पत्रकारितेचा आवाज बुलंद करण्यासाठी आणि समाजात सकारात्मक बदल घडवून आणण्यासाठी कटिबद्ध आहे......