🌟पुर्णेतील महाराष्ट्र बँकेचे शाखाधिकारी कच्छवेंचा 'कच्छवागती कारभार' मागील अकरा महिन्यांपासून एटीएम सुविधा बंद...!

🌟एटीएम केंद्रासाठी मागील पाच महिन्यांपासून भाडेकरार ? भाडे देखील चालू अन् एटीएम धारक म्हणतात एटीएम कहा डालू ?🌟

पुर्णा (विशेष वृत्त : चौधरी दिनेश) :- पुर्णा राष्ट्रीयकृत बँक असलेल्या महाराष्ट्र बँकेतील बेजबाबदार शाखाधिकारी चंद्रकांत कच्छवे यांच्या कच्छवागती कारभारामुळे महाराष्ट्र बँकेची एटीएम सुविधा मागील जवळपास अकरा महिन्यांपासून बंद असून एटीएम सुविधा केंद्रासाठी बँक प्रशासनाने अग्रवाल नामक जागा मालकाशी जवळपास पाच महिन्यांपासून भाडेकरार केला असून भाडे देखील चालू झाले असतांना एटीएम सुविधा केंद्राचे काम अद्याप देखील पुर्ण झाले नसल्याने महाराष्ट्र बँकेच्या एटीएम अंतर्गत आपला आर्थिक व्यवहार चालवणाऱ्या असंख्य केंद्र व राज्य शासनाचे शासकीय पगार/पेन्शनधारक तसेच लहान मोठे व्यापारी,शासकीय गुत्तेदार अक्षरशः त्रस्त झाल्याचे पाहावयास मिळत आहे.

महाराष्ट्र बँकेच्या एटीएम सुविधा केंद्रांतर्गत कोट्यवधी रुपयांचा आर्थिक व्यवहार करणारे असंख्य एटीएम धारक महाराष्ट्र बँकेचे शाखाधिकारी चंद्रकांत कच्छवे यांना तात्काळ एटीएम सुविधा केंद्राची व्यवस्था करण्या संदर्भात विनंती करीत आहेत परंतु बेजबाबदार शाखाधिकारी कच्छवेंचा कच्छवागती कारभार मागील अकरा महिन्यांपासून एटीएम सुविधा केंद्राच्या निर्मितीला चालना देत नसल्यामुळे महाराष्ट्र बँकेमार्फत आपला आर्थिक व्यवहार करणाऱ्या असंख्य खातेदार एटीएम धारकांना प्रचंड मनस्ताप सहन करावा लागत आहे याहीपेक्षा गंभीर बाब म्हणजे नवीन एटीएम धारकांना आपला एटीएम कोड जर्नेट करण्यासाठी डायरेक्ट नांदेड किंवा परभणीला जावे लागत असल्यामुळे पुर्णेतील महाराष्ट्र बँकेची अवस्था 'असून अडचण नसून खोळंबा' एकंदर अशीच झाल्याचे पाहावयास मिळत आहे..........