🌟राज्य केमिस्ट अ‍ॅन्ड ड्रगिस्ट असोसिएशनचे अध्यक्ष जगन्नाथ शिंदे यांच्या अमृत महोत्सवा निमित्त शुक्रवारी रक्तदान शिबीरे....!

🌟परभणी जिल्हा केमिस्ट अ‍ॅन्ड ड्रगिस्ट असोसिएशनच्या वतीने २४ जानेवारी रोजी तालुका निहाय रक्तदान शिबीरे🌟

परभणी (दि.२२ जानेवारी २०२५) : महाराष्ट्र राज्य केमिस्ट अ‍ॅन्ड ड्रगिस्ट असोसिएशनचे अध्यक्ष जगन्नाथ शिंदे यांच्या अमृत महोत्सवा निमित्ताने परभणी जिल्हा केमिस्ट अ‍ॅन्ड ड्रगिस्ट असोसिएशनच्या वतीने शुक्रवार दि.२४ जानेवारी २०२५ रोजी जिल्ह्यातील तालुकानिहाय रक्तदान शिबीरांचे आयोजन करण्यात आले आहेत अशी माहिती असोसिएशनचे अध्यक्ष संजय मंत्री, सचिव सूर्यकांत हाके यांनी दिली आहे.

            राज्यातील ०१ लाख औषधी विक्रेत्यांची ही असोसिएशन शिस्तबध्द अशी संघटना आहे. विशेषतः अध्यक्ष शिंदे यांचे औषध वितरण प्रणाली व आरोग्य शिबीरात मोठे योगदान आहे. कोरोनाच्या काळात पंतप्रधान नरेंद्र मोदी यांच्या आवाहनानंतर औषधांच्या उपलब्धतेबाबत शिंदे यांनी मोठी जबाबदारी सांभाळली. अशा या व्यक्तीमत्वाचा अमृत महोत्सवी वर्षानिमित्ताने वाढदिवस रुग्ण सेवेशी संबंधित उपक्रमाने साजरा करण्याचा निश्‍चय संपूर्ण राज्यातील औषधी व्रिकेत्यांनी घेतला आहे. त्या प्रमाणे या जिल्ह्यात शुक्रवारी सकाळी ०८.०० ते सायंकाळी ०६.०० वाजेपर्यंत सर्व तालुका व शहराच्या ठिकाणी रक्तसंकलन महायज्ञ होणार आहे. जिल्ह्यातून एकाच दिवशी सर्वसाधारण किमान २१०० रक्तदात्यांनी रक्तदान करावे असे नियोजन केल्या गेले आहे.

            परभणी शहरात श्री मंगल कार्याल, तालुक्यात पेडगाव येथील ग्रामपंचायत कार्यालयाच्या सभागृहात, जिंतूरात नगरेश्‍वर मंदिर सभागृह, सेलूत साई नाट्यगृह, पाथरीत शासकीय ग्रामीण रुग्णालय, मानवतमध्ये छत्रपती शिवाजी महाराज चौक, सोनपेठात महाराष्ट्र ग्रामीण बँकेसमोरील सह्याद्री हॉस्पिटल, गंगाखेडात डॉक्टरलेन भागातील गीता मंडळ, पूर्णेत जूना मोंढ्यातील श्रीराम मंदिर, पालममधील छत्रपती शिवाजी महाराज चौक या ठिकाणी हे रक्तदान शिबीर होणार आहे.

नागरीकांनी यात मोठ्या संख्येने सहभागी व्हावे, असे आवाहन संयोजन समितीने केले आहे......